Kuv me Nkauj Hnub

[cwjmemdub]

Koj tau cog lus
Yuav hlub kom txog hnub kawg
Yuav tsis ncaim mus
Txawm lub nriajteb tawg

Koj tias yuav hlub
Kom tshaj neeg nriajteb txoj kev
Tshaj lub ntuj foom pub
Yog tau ua kuv sev

Hnub no tsis hnov
Koj lub suab hu
Tej lus hlub sov
Cia li tu

Siab ntsws lwj tag
Vim tseg tsis taus
Ntuj niaj hnub los nag
Niaj hnub nco koj lub kaus

Yuav txog thaum twg
Thiaj sib ntsib dua
Mam tau quaj rau koj lub xubpwg
Qhia koj tias kuv nco tej lus cog tias wb yuav sib sua

[cwjmemdub]

Hnub no
Kuv thov Tswv Ntuj
Pab rov qab tso
Kom kuv tau mus tsuj

Thaj chaw sib hlub
Tau ncaim ntev lawm
Kom rov pom kuv me Nkauj Hnub
Lub ntsej muag luag ntxhi tawm

Xav qhia rau nws
Tias kuv lub plawv
Quaj kua muag ntws
Txhua lub caij sawv

Tiam neej no ntshe
Yuav tseg tsis taus
Txoj kev xav nyob ze
Me Nkauj Hnub kom laus

Thiaj li xav pom
Nws ua zaum kawg
Yees duab cia tsom
Ua ntej plawv tawg

[cwjmemdub]

My love




I have you in my hug it seems
But it's only a dream
My heart's crying softly
But my tear could flood the whole city

I beg God to give you to me
I get a nightmare that I'm stung by a giant bee
Right through my fragile heart
Then I see God takes away Cupid's dart

As that isn't enough
God also takes away Cupid's arrow in a rush
Leaving me a bloody wound
All that I could do is lying on the ground

Crying my heart out
Cause my voice is too weak to shout
to make my love hears
And helps me pull out God's spear

So that I could be with you again
To tell the tale that makes me go insane
However, my love for you wouldn't falter
Cause I love you too much to be bothered

[cwjmemdub]

Kuv me Nkauj Hnub
Koj puas tseem nco wb txoj kev hlub
Kuv nco koj tsis txawj tag
Kuv cov kua muag twb los ntau npaum li nag
Los tsawg lub los kuv suav tau
Yog muab tum es tsis vau
Ces twb siab npaum lub roob
Muab tso ces yeej nyab mus thoob
Rau txhua lub tebchaws
Txawm ya tau li noog los yeej tsis tau kev tsaws
Ua luam dej tau li os los
Ntshe yuav tuag pawg lug cuag cav cos
Vim nws iab thiab daw heev
Chwv thaum twg zoo li tus qaib hlab dej kub los tseev
Rau tes rau taw nti tag
Tus ntsuj yuav khiav nyob ib cag
Tsis kam zov lub cev
Thaum kawg ces txoj sia ua ib siab taug kev
Rov mus rau saum Ceebtsheej
Tso nriajteb kev kho siab yeej
Nco koj tshaj nov ntshe tsis muaj lawm
Muaj pes tsawg lub sijhawm
Los coj tuaj sau kev nco
Rau koj kom lub siab thiaj tsis no
Pw taus ib leeg tos hnub
Koj thiab kuv yuav rov sib rub
Sib sau ua ib lub neej
Ntshe thiaj li yuav tsis huav cheej os mog

[cwjmemdub]

Yog vim wb yug los nyias muaj nyias haiv
Wb txoj kev hlub thiaj muaj kev thaiv
Toj roob hauv pes quas koj rau ib sab ntuj
Cia kuv mus nyob ua neeg tsis muaj ntsuj
Niaj hnub quaj nco tus neeg kuv hlub
Nyob ib leeg ua neeg tsis muaj khub
Lub siab zoo li neeg qaug cawv
Lub plawv mob npaum hluav taws hlawv
Txhos caug ntua thov Tswv Ntuj
Yog tau koj mam ua qhev ib sim them nuj
Tsis muaj ib yam dabtsi pab hnov li
Nyob li tus neeg vwm hais lus ntxhi
Lam luag lam quaj rau tim tej
Khawm pob zeb pob ca thiab ncej
Kua muag twb los tas tsis muaj poob ntxiv lawm
Yuav txog thaum twg thiaj yuav yog lub sijhawm
Kuv tau koj rov los puag
Los hlub tus me neeg ntsuag
Tsis nrog luag muaj kev hlub
Xav kom muaj koj luag ntxhi li thaum ub
Thiaj li yuav nrog luag muaj lub neej
Ua dabtsi los thiaj yuav tsheej

[cwjmemdub]

The morning's so cold
Every drop of dew's frozen
I've just been told
That our togetherness'll never happen

Tear's streaming down my cheeks
Burning through my skin
Making my heart valves leak
Like a rusty tin

My heart beats're slowing down
To almost lifeless
My love has to be found
For my soul to forget the emptiness

I can't go on
Much longer
My life's torn
By the missing of my lover

[cwjmemdub]

Thaum tsawm muaj koj
Tsis xav pub kom lub sijhawm khiav
Xav ua zoj
Vaj Tswv rab mi diav

Npo kiag wb txoj kev hlub
Coj los khaws zoo cia
Muab iav khub
Dai ntawm phabntsa tau ntsia

Tsis muaj koj lawm
Xav kom lub sijhawm dhau tsuag tsuag
Tsis pub dabtsi cawm
Cia kom txoj sia tuag

Tau mus thawj thiab
Ua tus tshiab dua
Yuav rov los iab
Liam kom wb tau sib sua

Mam sib hlub
Kom tas ib sim
Tsis txhob pub
Leej twg txeeb tau wb lub cim

[cwjmemdub]

Wun nee pee kid teung tur
Yark ja jer bauk karm wa ruk
Pee ok huk ma dai lai pi
Nai chi vi tee kard tur
Ruk sa mur mai mee sin
Hark paen din yung mee chi vid
Row mee chid kid teung gun
Kwarm sum pun tee sarng wai
Pee ja chai pen koo duang jai
Way la nai jai pee moon maung
Ja dai kraung tur yoo nai fun
Ah tid tun ruk tur kon diow

[cwjmemdub]

Kuv yuav hlub koj mus ib sim
Txawm yuav tim txoj hmoov tsis zoo
Tau ntau xyoo wb thiaj tsis sib cuag
Lub kua muag niaj hnub los ua kev nco
Muab siab tso rau koj ib leeg
Yug ua neeg kev hlub nyob deb
Plawv xwb pleb vim tsis muaj koj
Nrog kuv coj txoj kev sib hlub
Mus hawm qhub rau tsev teev ntuj
Los tus ntsuj tsis ncaim koj li
Yeej nyob ti txhua lub caij nyoog
Yog pojntxoog muaj fwjchim li hais
Kuv mam zais lub cev ntaj ntsug
Ua ib tug neeg tsis muaj sia
Mam li txia los nrog koj nyob
Tsuav tsis txhob sib nrug ntxiv lawm
Hlub koj thawm niaj thawm xyoo
Txhua tiam zoo sib xws mus ib sim

[cwjmemdub]

Wb sib ncaim
Nrog lub kua muag sib hlub
Koj muab koj daim
Phuam los so wb tej kua muag ntub

Koj hais yau yau
Tias koj tsis xav ncaim
Kuv plhws koj tobhau
Thiab maj mam yaim

Koj lub mi kua muag
Ntog lam li lub lwg
Kuv cev hlo tes los puag
Cia koj quaj saum kuv xubpwg

Mob mob lub siab
Hais tsis tau ib los
Cog lus khaws koj tus ntxhiab
Thiab koj tej lus mos

Tso rau nruab siab
Khi rau nruab plawv
Mus kom tag ib txhiab
Txog thaum hluav taws hlawv

Lub nriajteb no
Ua hmoov tshauv tag
Los kuv tseem yuav nco
Hmo wb nkaum nag

Wb tau sib puag
Sib nwj sib hnia
Zaum no ntshe tub ntsuag
Yuav tsis muaj leej twg hais dabneeg hlub qhia

Yuav txog thaum twg
Thiaj yuav tau rov hlub
Muab wb ob lub plawv chob ua ib ntwg
Xaws wb ob lub siab ua ib khub

[cwjmemdub]

Tsis Muaj Koj



Ua neej nyob
Nrog lwm tus
Plawv ntsim cuag kua txob
Siab puas tsus

Sib hnia sib nwj
Nrog luag sib puag
Nruab siab twb lwj
Zoo li yuav tuag

Muab qhov muag qi
Xav tias yog koj
Mloog tej lus ntxhi
Pa yau pa loj

Qi muag twj ywm
Yuam kom hlwb ntseeg
Koj ntsej muag tshwm
Siab thiaj nyob teeg

Ib hnub dhau ib Hnub
Hmo dhau hmo
Siab yeej tsis pub
Hnovqab kev nco

Tej lus koj cog
Sib hlub kom kawg
Niaj hnub nyob nrog
Lub plawv tawg

Yog paub lwm tiam
Yuav tsis sib tau
Ces yuav kav liam
Tsis rov los ua lub neej tsis muaj koj ua tes tsau

[cwjmemdub]

Hnub no nco koj heev
Tagkis yuav mus nrhiav qhov twg
Thiaj hnov koj lub suab seev
Nqa coj los ywg

Cheem kuv lub suab quaj
Niaj hnub thov Ntuj pab
Txoj kev hlub ruaj
Wb tau tsim los sib pab

Daws kev kho siab
Thiab kev hlub ntsuag nos
Kom koj tus mi ntxhiab
Tau nrog kuv nyob dua ib hmos

Dabtsi thiaj yuav cheem
Tau kuv lub plawv nco
Kom cov kua muag nyeem
Ntub plhu tsis muaj neeg so

Ho tu mus ib ntus
Seb plawv puas rov hlav
Lub siab thiaj tus
Nrog luag ua neej luag nyav

Kuv txoj kev nco koj
Ntshe yuav tsis muaj hnub xaus
Vim txoj kev hlub muaj koj ua tus coj
Thaum lub hauv paus

[cwjmemdub]

Nyob zoo hnub no rau koj
Nco tsis ploj hauv nruab siab
Yog koj thiab kuv wb
Nkaujxwb nraugxwb plawv sib tshua
Sijhawm cua nplawm ntws
Tshuab tej fws ua teb kom qhuav
Kuv thiaj suav koj lub plawv dhia
Thaum koj ntsia kuv lub zeem muag
Lub suab luag suab qabzib
Thiaj li txhib kuv lub siab
Qhia lub ntsiab rau kuv hais tias
Kom pw lias ntawm koj xubntiag
Thaum cua ntsiag hnov kab noog quaj
Hu nkauj tshuaj cawm wb txoj sia
Ua chaw qhia tias wb lub neej
Muaj puav pheej nyob ib ncig
Tim khawv rig wb txoj kev vam
Tsis pub plam txoj kev sib hlub
Tus npauntub yog nyob li no
Lub caij so sib hlub tas
Mam kwv ntas nqa txuas nqa hlau
Rov mus sau qoob sau loo

[cwjmemdub]

Hmoov tsis sib xws
Txoj kev hlub thiaj li plam
Txoj hau kev twg los tws
Ntshe txheej thaum tau tsim kev npam

Txheej no
Rov los sib nrhiav tau
Sib hlub sib nco
Tshaj qhov Tswv Ntuj muab pub rau

Kev sib sau
Nyob rawv hauv siab
Yeej tsis tau
Xav tias yuav nrhiav tus tshiab

Lub Ntuj
Koj muab wb cais
Cia ob tug ntsuj
Mloog txoj kev mob cuag riam hlais

Kuv twb quaj
Kua muag ntws thoob Teb
Los tsis muaj
Ib tug Tswv Ntuj los teb

Nco nws heev
Kuv uv tsis taus
Puas yog koj teev
Wb kev sib ncaim kom dhau kev laus

Ntshe yuav yeem
Tso Nriajteb tseg
Mam sib teem
Sib ntsib ntawm koj tus kwj deg

Mus haus dej dab
Kom wb sib tau
Rau tiam tom qab
Mam rov sib sau

Lub plawv lwj
Thiaj yuav ploj mus
Paim lub rwj
Ua niaj hnub ncus

[cwjmemdub]

Hmo ntuj kuv pom lub hnub
Nruab dabntub kuv pom wb lub neej
Sawv tsis tsheej li luag lwm tus
Thiaj xav pus koj nrog kuv khiav
Kom mus nrhiav tau lub ntuj tshiab
Ci ntsa iab hnub tsis txawj poob
ziab mus thoob txhua lub kaum hav
Kom txoj sia kav wb txoj kev sib nco
Mus kom nto rau saum Ceeb Tsheej
Wb lub neej tsis muaj leej twg tshuam
Ua choj tuam kom hla dhau roob dhau tsua
Txoj kev tshua kuv tau ntawm koj
Tsis pub ploj nyob mus ib sim
Wb yuav tsim kev hlub tiam no
Nyob sov so li ob tug noog
Rau hauv koog hav zoov nuj xiab
Caij ntuj tshiab sib pab ua zes
Kom tau tes nrhiav noj nrhiav haus
Ib xyoos xaus muaj noj xws luag
Rov sib puag tsim noob neej dua
Mus kom txhua txhua tiam os tus neeg ntxim hlub