Kuv ntshai rwg tsam muaj hnub no,
Es koj ho mus hlub lwm tus,
Ncaim qus qus thiab mus ciaj ciaj,
Koj tsis kiaj txog pab niam tub,
Tias peb hlub koj ti nkaus txha,
Hlub koj ncha rau teb rau chaw,
Cas koj ntshaw txoj kev ua hluas,
Niaj hnub qhuas khav yuav niam yau,
Xav vuag ntau rau hauv qhov ncauj,
Ntxhais hluas nkauj tseem mos mos kawg,
Zoo li yawg twb tsis muaj zog,
Twb tshuav ntog rau ub rau no,
Cas koj ho tsis lam ntsaub peb,
Es khiav deb ntawm peb ua luaj,
Tsis ntshai muaj ib hnub nram ntsis,
Koj lub ris tsis muaj neeg kho,
Ib lub tsho tsis muaj neeg looj,
Koj pw zooj nyoos nrom ncee cia,
Neeg tsis nyiav vim koj siab phem,
Muab koj tshem thaiv neej thaiv dab,
Qaib xwm kab los koj tsis tau,
Ntshaw niam yau ces zoo li no,
Ib pluag mov tsis muaj neeg ntawg,
Txivneej yawg, puas tsim nyog kiag?
Koj lub niag me siab lim hiam,
Ntshe tsawg tiam los yog siab dev,
Txoj me kev uas ntshaw tus tshiab,
Dev thawj thiab ces ntshe yog koj ntag li lauuuuu om!