1
Poetic Souls / Kuv me Nkauj Hnub
« on: November 15, 2009, 12:49:33 AM »Ib vuag dua ntawm txoj kev hlub
Tau ntsib me Nkauj Hnub hauv kuv lub neej
Nws tsis xyeej txawm kuv yog neeg pluag
Muab kuv puag tuaj rau nruab siab
Nws ci iab zoo tshaj ntxhais qaum ntuj
Nws tau tsuj leej twg thaj chaw
Txoj kev daw ntsim siab ntsim ntsws
Ploj tshwv zws nrog huab nrog cua
Nco thiab tshua txog kuv me nkauj muam
Tej lus tshuam lus qhub kuv plawv
Siab qaug cawv nco koj ib leeg
Siab tsis teeg vim kev sib ncaim
Qhia kuv daim ntaub ntawv ua neej
Tej puav pheej wb muaj ua ke
Tau raug te muab tua tuag tas
Los siab mas yeej tsawm nyob nraim
Muab koj qaim khaws rau chaw zoo
Thiaj tuaj nroo seb koj puas hnov
Kuv yuav rov nrhiav tus kuv hlub
Kom tau los ua kuv tus khub nyob mus ib txhis nas me Nkauj Hnub
Tau ntsib me Nkauj Hnub hauv kuv lub neej
Nws tsis xyeej txawm kuv yog neeg pluag
Muab kuv puag tuaj rau nruab siab
Nws ci iab zoo tshaj ntxhais qaum ntuj
Nws tau tsuj leej twg thaj chaw
Txoj kev daw ntsim siab ntsim ntsws
Ploj tshwv zws nrog huab nrog cua
Nco thiab tshua txog kuv me nkauj muam
Tej lus tshuam lus qhub kuv plawv
Siab qaug cawv nco koj ib leeg
Siab tsis teeg vim kev sib ncaim
Qhia kuv daim ntaub ntawv ua neej
Tej puav pheej wb muaj ua ke
Tau raug te muab tua tuag tas
Los siab mas yeej tsawm nyob nraim
Muab koj qaim khaws rau chaw zoo
Thiaj tuaj nroo seb koj puas hnov
Kuv yuav rov nrhiav tus kuv hlub
Kom tau los ua kuv tus khub nyob mus ib txhis nas me Nkauj Hnub