Kuv me Nkauj Hnub

[cwjmemdub]

nyob zoo me viv ncaus nkaujntxheedej, kav liam os ntshe cwj ntxub ntxub kuv lawm os kav liam os, kuv tsis tuaj teb neb hauv no ntxiv lawm os, nws twb dhua shuav kuv lawm, kuv twb tsis tau cem thiab ua phem rau nws li, kuv seev kuv ua si los nws phej hais kuv, kuv seev me me nrog neb los nws cem kuv seev rau qhov twg los nws phej tsis zoo siab li ces, kuv tu siab lawm es tsis seev lawm os

Koj ntxias tau nws lub siab ces kav tsij seev nrog nws mog, es nws thiaj tsis mob mob hlwb mog
kuv ces xav txog kev phooj ywg kuv thiaj los sau me me lawv nws qab xwb tab sis nws tsis nyiam kuv sau rau nws ces kuv tsis tshuam nws lawm, me viv ncaus kuv caw koj los nrog kuv sau nyob hauv kuv lub topic nawb

 twg kom nws hom seev seev li kuv thiaj xav cheem nws xwb nws twb tsis kheev kuv seev li zoo li kuv cheem raug raug nws siab li ces nws tshev tshev kuv li ces kuv tsis cheem lawm es nws seev li cas los kav liam os


muaj sij hawm no ho los hauv kuv lub topic sau kom lom zem xwb os me viv ncaus
es qhov twg muaj cwjmemdub ces kuv tsis los lawm os mog
zoo siab ntsib koj yog ib tus me neeg siab zoo heev li os

 
zoo siab ntsib koj nawb mog


zaum kawg kuv nkag los hauv no  lawm os cwjmemdub
txhob xav yuam kev kuv twb tsis nyiam koj os, twb yog kuv xav kev phooj ywg thiaj sau ib ob zaj paj huam lawv koj qab xwb txij no mus koj tsis kam ces kuv tsis tshuam ntxiv lawm mog
nyob kaj siab lug nawb

ua tsaug os nkauj ntxhee tus neeg txawj xav thov zam txim ua kuv tau xav yuam kev rau neb nawb

Kuv tsis chim rau koj thiab tsis ntxub koj tabsis koj tos kuv rau txhua qhov chaw txhua lub sijhawm kuv thiaj li qhia rau koj paub tias txawm koj yuav ua npaum li ntawd rau kuv los tsuas yog yuav nkim koj lub sijhawm muaj nuj nqis xwb.  Ntawm wb kuv yeej txiav txim siab tsis nrog koj tsim kev hlub lawm.  Thov tsis txhob chim rau kuv.  Koj puas paub tias yog koj ua li no rau ib txhia ces lawv yeej hais tias yog koj stalk lawv lawm no.

[cwjmemdub]

Ntuj tsim teb raug
Hauv keeb kwm kev hlub
Muaj ntau tus nkauj nraug
Sib sua tsis tau ua khub

Ntawm kuv kev hlub
Tau plam koj lawm
Lub neej ntuj dub
Lam laug sijhawm

Nyob pw tig rawv
Rau koj sab ntuj
Hnub tshiab caij sawv
Xav ua noog yuj

Seb puas yuav pom
Koj tawm kav kiab
Mus nrog luag xyom
Koob hmoov xyoo tshiab

Kom thiaj tau pom
Koj ib me plia
Daws plawv cov nyom
Rau tus ntsuj hnia

Nco koj luaj no
Cia ncaim nriajteb
Lwm tiam mam tho
Wb txoj kev deb

Sib cuag kom tau
Li lub siab xav
Mam nkaug tes rau
Wb sib haus ntshav

Wb txoj kev hlub
Thiaj tsis plam lawm
Tswv Ntuj lus kub
Thiaj li yuav cawm

Kom wb tau
Nyob ua ib ke
Lub plawv mam sau
Koj ib leeg lub npe

[cwjmemdub]

Kuv lub plawv
Txij thaum txawm los nrog txoj sia
Tsuas pom kev hlub hauv ntawv
Thiab hnov tej laus hais dabneeg qhia

Tsis tau xav
Tias yuav muaj kev hlub loj ua luaj
Raug koj nphav
Muab kev sib nco coj los ua tshuaj

Tos nco xwb
Kuv twb qaug rau koj lub xub ntiag lawm
Txhua yam nyoo swb
Tsuas xav ntsoov txoj kev nrog koj ua txij ua nkawm

Koj siab zoo
Pub kev hlub ua kuv lub siab kaj
Tsim lub moo
Tias wb yog ob tug sib hlub tshaj

Txawm tsis tau
Nyob ua txij ua nkawm
Cwjmem twb sau
Nws lub plawv nrog koj lub tas lawm

Niaj hnub no
Thiaj tso tsis taus koj tseg
Txoj kev nco
Thiaj tsawm tuav txoj sia ntseg

Seb puas muaj
Ib hnub wb rov sib ntsib
Kuv mam luaj
Txoj kev tshiab rau wb taug ntxiv ib qib

Kom txog thaum
Ntaub noj ntawv hnav tas
Mam sib yaum
Mus thawj thiab ua me noog me nas

Wb thiaj li
Tsis tau sib ncaim ntxiv lawm
Mus nyob saum lub hli
Li niam nkauj Kub Kaws thiaj tau sib hnia sib khawm

[cwjmemdub]

Yog hnub no kuv rov ntsib kuv me Nkauj Hnub
Yuav tsis pub nws ncaim kuv ntxiv lawm
Lub sijhawm wb tau sib ncaim tas los
Mam muab kos rau wb nyeem kom thoob tsib
Seb thaum pib txoj kev sib plam li cas
Muab kob zas kom nco ntsoog txog hnub kawg
Thiaj tsis tawg kev sib hlub ntxiv lawm
Kuv yuav ntxawm txhua lo lus hauv nruab siab
Ntxiv lus tshiab kom qabzib tshaj plaws
Coj los daws wb txoj kev sib nco
Hlub Koj kom nto plaws rau saum ceeb tsheej
Li koj ib txwm pheej Niaj hnub cog lus cia
Wb mam dhia Kom dhau tej hmab yuav dawm tes
Thaiv lub zes wb yuav los sib sau ua neej
Kom txog txheej tsis muaj hlua dawm taw
Txoj kev ntshaw ntawm wb kev sib hlub
Cia kuv qhub koj rau hmo no
Vim kuv nco koj tag siab tag ntsws
Xav tsawg zaj los tws rau txoj kev hlub koj
Thiaj xav cia txoj sia nkoj rau hauv koj xubntiag os tus neeg kuv hlub

[Knaujmoob80]

Yog hnub no kuv rov ntsib kuv me Nkauj Hnub
Yuav tsis pub nws ncaim kuv ntxiv lawm
Lub sijhawm wb tau sib ncaim tas los
Mam muab kos rau wb nyeem kom thoob tsib
Seb thaum pib txoj kev sib plam li cas
Muab kob zas kom nco ntsoog txog hnub kawg
Thiaj tsis tawg kev sib hlub ntxiv lawm
Kuv yuav ntxawm txhua lo lus hauv nruab siab
Ntxiv lus tshiab kom qabzib tshaj plaws
Coj los daws wb txoj kev sib nco
Hlub Koj kom nto plaws rau saum ceeb tsheej
Li koj ib txwm pheej Niaj hnub cog lus cia
Wb mam dhia Kom dhau tej hmab yuav dawm tes
Thaiv lub zes wb yuav los sib sau ua neej
Kom txog txheej tsis muaj hlua dawm taw
Txoj kev ntshaw ntawm wb kev sib hlub
Cia kuv qhub koj rau hmo no
Vim kuv nco koj tag siab tag ntsws
Xav tsawg zaj los tws rau txoj kev hlub koj
Thiaj xav cia txoj sia nkoj rau hauv koj xubntiag os tus neeg kuv hlub

Honey!
Tus tus lub me siab heev lices ncaim mus lawm mog....
Twb tsis yog tus koj hlub thiab nco eb..... tsis ntxim hlub es...

[cwjmemdub]

Honey!
Tus tus lub me siab heev lices ncaim mus lawm mog....
Twb tsis yog tus koj hlub thiab nco eb..... tsis ntxim hlub es...

Tsis ua li cas os.
Kuv mam nyob nrog kuv me Nkauj Hnub tus ib txwm hlub kuv.
Kuv hlub nws ib leeg xwb vim nws hlub kuv ib leeg thiab xwb.
Kuv yuav hlub tsis tau tus neeg siab coob.
Mus zoo koj mog.
Tsis txhob ua neeg siab coob thiaj yuav muaj tus hlub koj kom kawg os.

[cwjmemdub]

So far away we are
Yet, so close are our hearts
I feel every emotion you do
I'm restless because of you
I'm with you every second
Just look deep inside the ring of diamond
A signature of my love
That nothing will ever top
When you close your eyes
Before you fall asleep every night
Go to our world of imagination
There we can live as animations
Come to life with the stroke of a paint brush
And the stroke of a pen's touch
We'll be together
Under the title " Love is Forever "
Until a new day
When it's time to pray
Ask for God's blessing
For what next life will bring
You and I will be given one more chance
To fall in love at first sight again

I love you, my sweetheart, my valentine.

[cwjmemdub]

Wun nee pen Wun Valentine.
Pee kid teung kun mark krab.
Tee Ruk.

Ruk samur.

[cwjmemdub]

http://www.youtube.com/watch?v=421W0R7C6UQ

Maub pleng nee hai tur na krab, tee ruk.

[cwjmemdub]

Hmo no kuv tuaj zaum quaj rau thaj chaw no
Twb vim yog tsis muaj koj ua qhov chaw nco
Koj tso kuv nyob ib leeg kho siab khuj khuav
Lub suab quaj tsim duj dhee rau tus npau suav
Yuav nco koj mus txog rau thaum twg
Thiaj yuav ploj yaj ntshis li yam lub lwg
Kua muag los los tsis paub yuav muab dabtsi so
Niaj hmo tos tsis pom koj tuaj ntxiv kuv lub plawv to
Puas yog koj yeej tsis nco txog kuv lawm
Koj twb khiav wb thaj chaw sib hlub thiab sib hawm
Cia kuv ua ntsuag ciaj tsis muaj tus los plhws
Niaj hnub yuj li liaj nrhiav koj thoob tej hav pobkws
Tus neeg kuv hlub koj nyob rau sab ntuj twg
Rov los txob los quaj rau kuv lub xubpwg
Kuv yuav hlub koj mus kom tag wb sim neej
Yog tias kuv dag koj mam muab kuv ntsia rau tus ntoo ntseej
Muab pos los kauv ua lub kaus mom
Rau kuv ntoo kom chob mob cuag nab tom
Kuv zoo siab raug ntsia rau tus ntoo khaub lig
Mus thawj thiab kom ua tus neeg tsis muaj plig
Hlub koj ib leeg yog kuv tej lus cog cia
Yog koj ntseeg Kuv mam muab lub ntsiab coj los qhia
Los yog muab kuv lub plawv hlais kiag rau koj
Koj mam coj mus zais cia rau koj ib leeg ntoj
Kuv kho kho siab vim yog kuv nco nco
Me ntxhais Hmoob pluaj siab puag kuv nyob sov so

[cwjmemdub]

Kuv tej kua muag ua tau poob rau koj
Muab sau ces twb loj yuav npaum hiavtxwv
Kuv txoj kev khwv kom wb tau ua txijnkawm
Kuv tej fws tawm tsis muaj neeg so
Cas koj tsawm tso kuv nyob ib leeg
koj khiav mus ntseeg hlub luag lwm tus
Kuv siab puas tsus tsis xav ua neeg
Me neeg siab zoo koj puas nco kuv
Tej caij wb thuv tsheej qas tag hmo
Wb kev sib nco loj npaum lub ntuj
Wb ob tug ntsuj sib puag sib hlub
Hnub no kuv lub plawv ces ntsoog tas
Siab quaj nyuj nyas xav txog koj xwb
Txawm tias kuv swb koj mus rau luag
Kuv mam ua ntsuag rau kev sib hlub
Muab yias dej kub los hlab lub plawv
Mam muab tsau cawj ua tshuaj siab no
Kom kuv tau nco koj mus ntev ntev
Koj ua luag sev yog tias luag hlub
Tshav ntuj tsis kub ces tsis txhob nco
Luag thiaj li tso tas siab rau koj
Thaum luag tsis ntoj thiab hlub koj lawm
Tuaj xa xov tawm rau kuv no paub
Thiab koj tuaj saub txoj kev kho siab
Qhia luag kev ntiab kom koj khiav tawm
Mam nrhiav sijhawm tuaj tos koj mus
Nrog koj leej nus nyob ua ib cuab
Kuv mam li muab koj kua muag so
Kuv mam li tso koj zaum hauv xubntiag
Muab koj puag kiag tsis tso koj mus qhov twg li os mog

[cwjmemdub]

Me Nkauj Hnub,

yog koj tuaj txog no ces qhia kuv paub os.
Vim nco nco koj li.

[cwjmemdub]

Me Nkauj Hnub


Cas lub nriajteb no
Tsuas muaj neeg siab phem nkaus xwb
Ntuj tseem tso
Txoj hmoov kem hmoov swb

Muab wb cais
Ib leeg nyob ib qho
Tsis pub hais
Lo lus sib nco

Qw nrov npaum twg
Los koj tsis hnov
Nag tseem los ywg
Kom lub siab ntxhov

Kuv tus tav
Nqa saum ub los
Tsuas tau nphav
Tsis tau yos

Sib hlub sib tshua
Kom txaus lub siab
Txhob tu ncua
Tej niag sis niab

Thov lwm tiam
Kom ntuj hlub wb li
Nriajteb niam
Cia kuv nyob ti

Kuv me Nkauj Hnub
Tus neeg siab dawb
Maj maj hlub
Thiab maj maj tawb

[cwjmemdub]

Kuv me Nkauj Hnub
Cas hnub no yuav nco koj ua luaj
Zoo li kuv raug kaw rau hauv lub hub
Nrhiav qhov twg los tsis pom koj thiaj li zaum tsaws quaj

Wb txoj kev hlub
Uas tau muab sib pub yav tag los
Koj cog lus rau lub hnubqub
Yog thaum ib tug ncaim nriajteb kom rov los tos

Hnub no tsis muaj hnub wb yuav sib tau
Ces cia kuv mus cuag Yawm Saub
Mam rov los ua txiv yawg muaj rau
Nrog cov niag ntxov hauv ua lauj vaub

Thiaj yuav paub koj nyob qhov twg
Es taug tau koj tus ntxhiab
Los tom koj nyuj ntawm tswg
Qhia koj paub tias kuv twb los yug dua tshiab

Mam coj koj mus
Nrog kuv nyob tim qab tsuas
Nrog kuv hais lus
Mloo Hmoob ntaus nruas

Wb thiaj yuav tau nyob ua ke
Ib txhis tsis muaj hnub ncaim
Kuv mam tsim lub cub tawg tshiab rau wb nte
Cig zoo nkauj npaum lub paj ntshua nplaim

[cwjmemdub]

Hauv kuv lub siab muaj koj ib leeg
Yeej ib txwm ntseeg los puag thaum yau
Tias kuv yuav sau nrog koj ua neej
Nyob rau lub yeej tsuas muaj wb xwb
Hnub no pleb plawv xwb vim tsis tau koj
Ua neeg tsis muaj npoj nyob kho siab khuav
Tshuav txoj sia tuaj lub cev qhuav cia
Tsa qhov muag ntsia los Ntuj tsis pab
Tsa tes nrog xyab los Ntuj tsis hnov
Cia lub plawv khov kom siav tu mus
Thiaj tsis nkim lus niaj hnub nroo
Kom Yawm Saub tau zoo tsis muaj kev txhawj
Mam li mus thawj ua dua tus tshiab
Txhob pub lub siab leej twg deev lawm
Thaij li tsis sawm txoj kev lwj ntsws
Txhua tiam txoj kev tws rau kev sib hlub