Kuv me Nkauj Hnub

[cwjmemdub]

Nkauj Hnub is translated from a Thai name.
She's a Thai.  So, I'm dedicating this Hmong poem to her cause it's from me, a Hmong guy.



Nong Khai


Noom Khais kuv lub chaw tshua
Koj tau dua kuv lub plawv tseg
Neej tsis ntseg vim nco koj heev
Niaj hnub seev xav nrog koj nyob
Tus kab mob hauv kuv lub siab
Ua kua muag iab niaj hnub tawm
Ncaim koj lawm siab tsawm yuj plaws
Tuaj zaum tsaws rau thaj chaw no
Koj puas nco kuv li kuv nco koj
Kev sib ntoj wb tsis tau tu moo
Kuv tej lus nroo tsis yog lus ntxub
Yog kev hlub rau koj ib leeg
Lub siab ntseeg tias koj los
Niaj hnub tos seb puas ntsib kuv
Lus zib muv wb tau hais txhua
Hais ua kua tej lus deev siab
Puas nco thiab kuv me neeg zoo
Ua ntxoov ntxoo roos kuv ib ntus
Siab thiaj tus xav ua neeg nyob
Chaw hlub nphob vim tsis muaj wb taug
Tiamsis kev nkauj nraug tso tsis taus tseg li
Quaj nkuj nki txoj kev kho siab
Txhua lub tsiab thiaj nyob ib leeg
Kom siab teeg thiaj li tsis vwm
Vim xov xwm txog koj tsis hnov
Ib txoj xov los tsis tau txais
Lub plawv ntais tsis muaj neeg kho
Lub plawv to tsis muaj neeg ntxiv
Vim kuv nrhiav tsis tau ib tug yuav piv tau koj li nas tus neeg kuv hlub

[cwjmemdub]

Kuv me Nkauj Hnub



Hmo no cua tuaj txias zias
Tsis muaj koj no kuv lub siab
Thiaj quaj thiab xav ntsib koj heev
Yog tias koj hnov kuv seev thov tig ntsia ib muag
Vim tus neeg pluag kev hlub tseem nyob tos
Muab cwjmem los kos koj tus duab cia saib
Cev tes puag tsis laib yuav nco txog hnub twg
Koj me nraug ntub lwg niaj hnub maub hav zoov
Mus nrhiav povhaum ua poov seb puas pab tau
Nws txoj hmoov rau lub neej tiam no
Yog tsuas tau nco cas thiaj sib ntsib
Txhua hmo hli pib qaim mus thoob ntuj
Lub siab yuj xav nyob kom ze
Tiam no ntshe yuav ua neeg poob kua muag
Yog kev hlub tsuag plawv twb tsis mob
Txoj kev nco txob lub siab txhua sijhawm
Koj puas nco lawm hmo wb sib puag
Koj tias ciaj thiab tuag yuav hlub mus ib sim
Yuav ntaus thwj cim kom thaum siav tu
Tau koj lub plhu los hnia ib pas
Ua puav pheej zas cia rau lwm tiam
Kom txhob muaj ciam cais kev sib hlub
Mam cia ntshav khub wb plawv sib tshua
Es cia koj ua kuv tus tswv mus tas ib txhis

[cwjmemdub]

Kuv me Nkauj Hnub



Hnub sib ncaim mus ib txhis
Twb los yuav txog
Yog tias kuv txawj plhis
Yuav txia kom txhob hnov mob nyob nruab nrog

Wb txoj kev hlub
Kuv twb tau ncaim los ntev
Tiamsis lub siab qub
Tseem zwm rawv cia tias koj yog kuv sev

Cas lub Ntuj
Yuav cia wb nyob nrog kua muag
Yam kuv ntseeg tias muaj nuj
Yog muaj koj ua kuv luag

Txhua lub sijhawm
Kuv nyob ib leeg txias to
Vim yog hmoov tsis sawm
Tsis tau nyob nrog tus neeg kuv nco

Tsuas hlub cia hauv lub plawv
Rau kuv ib leeg paub
Niaj hnub muab koj daim ntawv
Los nyeem ua qhov chaw saub

Koj tus ntxhiab
Tseem tsw tsis muaj hnub ploj
Dai kuv lub siab
Mus kom txog hnub txoj sia nkoj

[cwjmemdub]

Kuv Me Nkauj Hnub



Dej naj khoom daj rhuv
Me txiv nkhaus taw dai ntsuab vog
Koj khawm rawv kuv
Wb zaum ib lub tog

Maj las yais rawv rwb raws
Maj qham qabzib poob pawg lug
Tsuas hnov koj txhais tes zaws
Ua kuv twb sawv tsis taus ntsug

Koj tias wb txoj kev sib nco
Twb nrug tau ob peb hnub
Ua rau koj lub siab no no
Xav xav nrog kuv sib hlub

Koj tej lus qabzib
Ua kuv ib ce tuag tas
Thaum koj pib
Hnia kom kuv ras

Ib los lus twb hais tsis taus
Tshuav txoj sia lawm xwb
Yuav yog sib hlub txaus
Kuv thiaj yuav rov tsis npwb

Hnub no rov nco txog koj
Tus neeg uas yog kuv txoj sia
Thiaj niaj hnub ntsoos tsis xav noj
Xav kom lub plawv nres tsis txhob dhia

[cwjmemdub]

Hmo Hli Nra



Kuv tuaj txog koj pw nthi ntawm kuv lub hauv siab
Qhia tias koj nco thiab hlub tshaj qhov hais tau
Nag xauv npo xau los ntub wb
Muab kuv lub tsho khwb kom koj txhob no
Kuv los nco koj tshaj saum no tsis muaj
Thiaj li quaj hnia ntshis koj hauv pliaj
Nriajteb tsis tiaj luag thiaj txwv wb kev hlub
Luag tsis pub kuv txav ti koj
Vim tus choj ntawm wb ob tsev neeg
Pos tau zeeg puv qhov txhia chaw
Caij nyob hoom, tsheb, mus ko taw los yeej chob
Siab thiaj mob tsis paub yuav qhia leej twg
Thiaj ntshai rwg tsam luag pom wb sib cuag
Tus neeg pluag li kuv txoj kev hlub
Tsuas muab pub rau koj ib leeg
Pas dej teeg dej nyob tus npaum cas
Txoj kev hlub kuv muab tas rau koj
Ces yeej loj tshaj lub ntuj
Xuas taw tsuj ces tob tshaj hiavtxwv
Hmo no tau xwv tus neeg kuv hlub hlub
Tso dabntub hauv kuv xubntiag
Txawm nyiajtxiag pauv yeej tsis tau
Sib nco dhau yuav ua li cas
Ntuj kaj tas ntshe yuav rov sib ncaim
Hmo hli qaim tsis xav pub kawg
Wb twb sib qawg quaj los tsis txaus siab
Sib hnia ntxhiab tsis txaus li
Lub hli yog koj muaj hwj huaj
Thov nqis tuaj pab wb kev ntsim siab
Kom nyob kiab li luag lwm tus
Cia wb sib pus mus nyob luag ntxhi
Kom lub neej ci li hmo koj nra
Wb mam nqa tes ua koj tsaug
Ib hmos phav zaug kom tas tiam

[cwjmemdub]

Hmo Hli Nra


Ntuj huv si
Ci mus thoob nriajteb
Muaj ib txoj kev tsheb nkhaus nkoj nkhaus nkoov
Hauv ib lub hav zoov tsis muaj ib tug neeg nyob qhov twg
Tej me lwg tsawm dai dawb pes vog
Ib tug txiv neej tuaj ntog tuav nkaus nws lub hauv siab nyem ruaj ruaj
Nws quaj quaj kua muag si laws ntub plhu tas
Hnov ib lub suab ncas nrov nrov hauv nws hnab tshos
Hnov tshoob kos zoo li muaj neeg zawj nyab
Ntshe yuav tsis yog tus txiv neej no khiav dab tiamsis ntshe yog lub siab lwj
Ua tsis tau ywj li lub siab xav
Hmoob kev neej kev tsav txeeb tau tus hlub lawm
Khia tuaj rau nas noog cawm seb txoj sia yuav mus li cas
Plawv ua kas tsis muaj dabtsi yuav kho tau
Thiaj tuaj tsau dej tsau nag
Lub ntuj dag coj nws los ntsib
Tus neeg sib sib hlub tiam no
Tsawm muab kev hlub tso kom plam mus
Muab kev ntshaw pus nqa lawm du lug
Ua ib tug neeg pluag kug txoj kev sib hlub
Lub neej tom ntej tsis muaj lub hnub yuav tawm tuaj ci
Kom nrog lub hli tsom rau siab ua noj
Lub qhov plawv to twb yoj ib tug txiv neej yawg lub nrig
Nplaim taws cig ntshav npau xi
Tawm ruag rhi lo thoob ib ce
Lub siab me thiaj tau tsaus muag
" Hwj hwj hwj.........tx oj kev tuag lawm xwb
Yog daim rwb yuav pua kom lub siab zooj
Hmo no qaib twb nce cooj tsis pom Pajntshuanplai m tuaj cuag
Nws yuav ua li cas mus nrog luag ua lub neej tsaus ntuj nti
Luag muab kuv tes khi thiab hawv tias yog tsis ntoo kaus mom hlau
Kom yeej meem khiav kom dhau mus lawm ib qho chaw muag tsis pom
Thiab luag tsawm kom kuv cia li hloov npe tshiab
Kom ib txhiab Pajntshuanplai m nug tsis tau moo li lawm
Kuv lub sijhawm los twb tag rau hmo no
Hli nra tso kev kho siab nrog kuv ua luag
Lub kua muag ntshe yuav yog lub kawg
Plawv twb tawg yuav tsis muaj leej twg kho tau
Yog txoj kev sib sau ua neej nrog Pajntshuanplai m
Yuav sib ncaim li luag tau hawv tseg
Kuv me Pajntshuanplai m, tag kis lub hnub ntseg koj tuaj rau nram kwj deg saib kuv lub cev ua zaum kawg
Thov nqa ib lub pajntshuanplai m tuaj nkawg rau kuv tau nqa mus
Nrog rau tej lus hlub thiab lus qabzib koj xav hais
Luag txawm muab wb kev hlub cais los kuv yuav nco ntsoov
Yuav tsis hloov kuv txoj kev hlub koj
Kuv mam mus nyob saum ntav toj ntawm txoj kev khaub lig
Tos kom txog hnub wb ob tug ntsuj plig tau los sib tuav tes
Nyob ua ke li dej thiab ntses mam mus thov ntawv dua
Kom txoj kev sib tshua muaj mus tsis paub kawg
Koj lub plawv tawg kuv mam ua dab rov los cawm
Kom koj nyiaj taus tos txog lub sijhawm lawv tau kuv qab
Koj txhais npab txhob muab rau luag ncoo
Txawm luag nroo los ua lub siab tawv qhawv
Khaw wb tej ntaub ntawv sib hlub ua chaw tshua
Muab nyeem kom ua kua kom luag hnov es uv tsis taus
Yog luag paub tias cog tau lub hauv paus kev hlub yuam kev lawm
Koj thiaj li yuav tau kev tawm tuaj caum kom wb sib cuag "

"kuv txoj kev ntsuag hmo hli nra ntev npaum ob peb tiam
Ntsia tus ciam ploj loog puag tim npoo ntuj
Daim ntawv no sau los khuj rau koj tias kuv lub kua muag
Los loj cuag li nag xob nag cua
Txawm muab ntxhua los yeej khub lub plawv
Ua dej cawv lom lub siab lub ntsws
Wb kev tws rhiav tsis tau lwm txoj hauv kev lawm
Thaum hnub tawm ces yog lub caij kuv siav tu
Mam los hu ob peb suab kom koj paub
Tawm mus saub qhia rau lub hli hais tias
Cas nws thiaj cia luag tuaj ntxias koj niam thiab koj txiv
Kom siab tsiv rau tus neeg pluag
Txawm yog ntsuag los lub siab hlub tiag
Tsis muaj nyiajtxiag los mam khwv thaum wb sib tau
Tub phua tsau tab tom npaj siab
Mus nrhiav kiab coj tsau mus muag
Mam lov ntsuag los rau koj hau
Txiv hmab txiv ntoo muaj ntau tab tom npaj siab mus
De tej me zaub qus rau tus neeg zoo nkauj pab zov
Yog nws muag ces tsis tas thov yuav tsis txaus luag yuav li
Zaum no yuav hais lus ntxhi vim suab tsis nrov lawm
Kuv lub sijhawm cuag koj ces tas li no
Zoo hnub zoo hmo wb mam sib ntsib hauv tus npau ntub
Muab wb txoj kev hlub rov los taug ua chaw tshua
Tseg nthwv cua txias zias rau koj lub siab lawm xwb mog tus neeg kuv hhlub"

[Knaujmoob80]

OH........MY GOD!..........
PUAS TIAG MAS CWJMEMDUB AWS......
KOJ MAS CAS NTXIM HLUB DHAU LAWM
TXOB RAWM MAJ YUAV XAV MUS PLOJ
NTSEEM NYUAM QHUAV LOJ HLOB XWB
LUB NEEJ TWB TSIS TAU HLUB TXHIJ
TEJ KEV TIJ NTSEEM PAB TSIS TAU TAUS
NIAM TXIV LAUS LOS YUAV TAU KHWV
HMOOB TEJ TUB KWV KAUS TUAJ NRIG
TSHAV NTUJ NRIG ZOO CUAG NRAUG SUAV
XUAV KHUJ KHUAV RAU UB RAU NO
HAIS TSHAWG LOS TWB HNOV TSIS MEEJ
KUV TUS KHEEJ NTSEEM TIAS YOG LEEJ TWG
ZOO LI LUB LWG YUAV TSIS PUB KOJ YAJ
XAV LOS DAJ KOJ KEV HLUB ZOO
MUAJ TXOJ HMOO YOG HLUB TAU KOJ
SIAB TSIS SOJ LEEJ TWG NTXIV LAWM
KEV HLUB TXAWM YUAV LOJ LUAJ NTUJ
NYOB HNAV TXWJ TOS KOJ LOS HLUB
UA NEEG NPUB RAU KOJ IB LEEG
SIAB YUAV DEEG YEEJ TSIS QUAV NTSEJ
ZOO TUS DEJ YUAV NTWS NTSHIAB SI MUS TSIS KAWG
SIAB YUAV TAWG LOS YEEJ YEEM TOS
YOG TIAS MUAJ KOJ LOS NROG KUV
SIAB YUAV NYOB HUV SI MUS TAS LUB NEEJ LAU OS ME NEEG ZOO LUS....
ZOO SIAB HEEV TIAS KOJ YEEJ YUG UA NEEG TXIV NEEJ SIAB TUS TUS......
 

[cwjmemdub]

Nyob zoo os knaujmoob80.

Nov yog 1 zaj khwvhuam xwb os.
Yog tiag ces cwjmemdub yeej tuaj piav qhia tsis tau rau nej li os.

[Knaujmoob80]

Nyob zoo os knaujmoob80.

Nov yog 1 zaj khwvhuam xwb os.
Yog tiag ces cwjmemdub yeej tuaj piav qhia tsis tau rau nej li os.

Hello!.....My Dear; Cwjmemdub;
Zoo zoo siab tias me leej nus Cwjmem ntseem ua tau tej yam ntxim siab tshaj qhov sau tau nov lawm thiab mog.

[cwjmemdub]

Kuv me Nkauj Hnub

yuav yog hnub twg thiaj yuav tau nrog koj mloog nkauj ua ke?   

http://www.youtube.com/watch?v=HVSgNggpDSM

[cwjmemdub]

Happy Valentine rau tus neeg kuv hlub
Kuv muab pub yog lub paj ntshua nplaim
Thiab ib daim ntawv kev sib tshua
Ya nrog cua yog kuv qhov kiss
Muab tuaj nplij koj txoj kev nco
Tias ntuj no nco koj txhua feeb
Yog muaj tseeb wb kev cog lus
Yuav sib pus kom txog hnub kawg
Yawm Saub tawg koj ntawm kuv mus
Siab puas tsus los ua tiag nyiaj
Wb lub txiaj niaj hnub pe hawm
Kom tshwm tawm raws wb kev thov
Kom tau rov los ua ib cuab
Hiavtxwv nqhuab mam li sib tso
Ntuj yeej nco yuav pauj kom tau
Wb ob tug tsau thiaj tsawm cig
Yeej tsis lig txawm tias yuav laus
Kuv yuav txaus siab hlub koj ib zaug ntxiv thiaj zoo siab ncaim lub nriajteb no

[cwjmemdub]

Sleepless night
Lonely time of the year
Nothing in sight
Only tear

Winter's ending
Spring's here
Nothing's pending
Again only tear

The thoughts of you by my side
To warm the cold soul
Just have to hide
Til another year calls

My heart's aching
Seeing all kinds of lives springing up
And yet the voice that use to sing
Making springs worthwhile hasn't erupted

[cwjmemdub]

Muv me Nkauj Hnub




Pw tsim duj dheev
Pom zim zuag wb txoj kev hlub yav tas los
Nco koj heev thiaj li tuaj seev
Seb huab cua nqa puas tau kom mus txog koj lub zos

Qhia tias kuv nco thiab hlub
Tus neeg muaj nujnqis tshaj hauv kuv lub neej
Txawm tias tiam no Yawm Saub tsis pub
Wb los ua txijnkawm los kuv tsis xyeej

Nyob rau hauv kuv lub nruab siab
Tsuas muaj koj ib leeg xwb
Mam ua hnub ua hmo nco koj tus ntxhiab
Kom kuv npwb

Koj tus duab thiaj yuav nyob hauv kuv lub zeem muag
Mus tag ib txhis
Txaus siab ua txoj kev hlub tus neeg ntsuag
Dhia tuj taws li tus noog tsis muaj tis

[Niam B]

cwjmemdub,

kheevlam muaj tus nco yus npaum li koj, ntshe yuav qab qab los noj mov kom loj loj.
kheevlam muaj tus nco txog yus ibpliag, ntshe yuav ua li cas zoo yus lub me siab.

[cwjmemdub]

cwjmemdub,

kheevlam muaj tus nco yus npaum li koj, ntshe yuav qab qab los noj mov kom loj loj.
kheevlam muaj tus nco txog yus ibpliag, ntshe yuav ua li cas zoo yus lub me siab.

Nyob zoo os Niam B,

zoo siab koj los txog hauv nov.  Koj pom xeeb yog 1 tug niam lawm yeej muaj tus nco nco koj kawg.
Tus txiv tsis nco los tej me nyuam yeej nco os.
Mus rov tuaj dua nawb es kuv mam li nco koj thiab.