Txoj kev hlub tsis los yooj yim rau peb lub neej. Rau tus neeg siab coob, nws yog ib qho kev uasi xwb. Tiam sis yog koj hlub nws heev, koj yuav tsum tau qhia rau nws paub. Koj yuav tau ua txhua yam rau nws pom hais tias koj hlub nws npaum li cas.
Thaum nws ua rau koj mob siab, koj yuav chim thiab tu siab heev li. Tiam sis koj txoj kev hlub yuav ua rau koj zam txim rau nws. Tej laus hais tias, yog roob hav quas xwb ces muaj ib hnub neb yeej yuav rov sib ntsib, tabsis yog av luaj quas lawm ces tag sim neej neb yeej tsis sib ntsib ntxiv lawm. Txoj sia nyob tsis ntev, peb paub hnub no xwb tsis paub tagkis. Siv koj lub sij hawm zoo nrog tus neeg koj hlub nyob kom muaj nuj nqis. Tso tej kev ntsim siab pov tseg. Khaws tej kev zoo zoo cia es muab kev zam txim pub rau nws.
Yog koj tseem hlub nws, kuv cia siab hais tias koj yuav tsis zais koj txoj kev ntshaw thiab koj txoj kev hlub rau nws es ua kom tau nws rov los.