Mi-nraughmoob,
hnub no tshav ntuj kawg siab
los nim tuaj hnov koj lub kua muag poob sis niab
xav tias tsis tuaj
los lub siab nim nyob tsis ruaj
thiaj li tuaj txog ntawm thaj chaw no
tsis pom tus tsav yam dabtsi tabsis pom koj sau ntawv tseg rau ntawm no
tias koj yuav ncaim mus tsis rov tuaj
yog tim tus dabtsi tiag koj thiaj li quaj
tusiab thiaj li khiav ncaim mus os mi-nraughmoob
txawm luag yuav ua ntuj liab teb ntsuab
los yus yog tus neeg muaj koob nrov suab
tswj yus tus kheej kom tus tus
yus thiaj li muaj txoj kev kaj siab mog
yus yog tus neeg zoo yus txhob khiav
yog yus khiav ces luag tias yus yeej tau ua lawm
yus thiaj tsis nrhiav kev tawm
yus tsis muaj peev xwm
yus thiaj li khiav li tej niag maum twm
kuv ntseeg tau tias kuv mi-nraughmoob yog neeg siab zoo
muaj lub siab xav cog kev phoojywg coob es nws thiaj li nroo
tabsis twb tsis yog mus rau qhov phem
los tseem raug luag cem
los nws txhob tusiab mog
kuv tseem yog nws me phoojywg
txawm koj mus txog twg
los kuv yeej txaus siab nyob ntawm koj ib sab
nqa daim me ntaub so koj cov kua muag lawv qab
yog thaum twg koj qaug
kuv mam ua tus ncej los txheem koj
thaum twg koj nkees
kuv mam li rub koj pw rau lub xub ntiag
thaum twg koj nyob tsaus ntuj nti
kuv yuav ua lub teeb ci rau koj
kom koj pom kev mog tus neeg zoo.....
cia siab tias nws ncaim mus hnub puav
nws yuav rov tuaj nrog nkaujhmoob nyob hauv txoj kev npau suav
txawm koj yuav mus ntev npaum twg
los nkaujhmoob tseem tos rawv txog hnub koj rov tuaj txuas kev phoojywg mog mi-nraughmoob...
Me Nkaujntxheedej,
Kuv qhia rau koj paub tias kuv nyob txog thaj chaw twg ces thaj chaw ntawd yuav kub nyhiab li xwb.
Koj yeej paub zoo lawm.
Ntshe nraug Hmoob yuav tau ncaim koj mus ib ntus kom txog lub caij ntuj nag tso
seb wb puas sib ntsib lawm.
Lub caij ntawd thiaj li yuav muaj dej tua hav kub nyhiab.
Koj nyob no tsis txhob hlub tus koj hlub hlub lawm
es hlub tus hlub hlub koj mog.
Mam ntsib koj dua rau yav pem suab.