Koj puas nco kuv li kuv nco koj os nkauj Hmoob dai siab?
Nyob hauv kuv lub siab
Hlub koj ib leeg
Ib txwm ntseeg koj yog kuv txijnkawm
Ib txwm hawm koj lub siab dawb
Hmo koj tawb kuv nyob ib hmos
Tau muab kos tso rau nruab siab
Ua tswm ciab kaj rau lub neej
Thiab cia theej lub kua muag daw
Sijhawm ntshaw muaj koj li yav tag
Caij los nag nco koj lub kaus roos
Lub caij ntsoos nco koj lub suab luag
Txoj kev pluag koj lub siab sov
Kuv plawv khov vim nws no no
Txhua txhua hmo ua ntej kuv pw
Lub paj tsw li koj tus ntxhiab
Ua kuv kiab pab pw kaj ntug
Lub siab lug tuaj mus cuag koj
Rau tej hav nroj wb tau ua si
Koj tej nqi kev hlub tas los
Ua chaw tos nyob hnub dhau hnub
Tsis tau pub kom luag lwm tus
Nkag tau mus hauv kuv lub plawv
Tus dej txhawv nyob hauv tawm los
Kuv cia tos yuav ywg rau koj
Neeg siab loj hlub mus ib txhis
Yog muaj tis ces ntshe kuv twb ya tuaj nrog koj nyob lawm