Love in Autumn

[Nkaujntxheedej]

Mi~Nraug Daisiab

Tus mi neeg kuv hlub tshua
Hauv txoj kev hlub niaj hmo pom hauv tus npau suav yog koj thiab kuv ua ib ke
Tham lus luag ntxhwb ntxhi saib lub hli tsis paub dhuav li
Yog thaum twg lub hli ploj yuav tau nrug lub siab mob dua rhe
Yam nkaus li hauv lub ntiaj teb no yuav tsis muaj tus duab tshav ci

Xav kom lub ntiaj teb no yog wb ob leeg lub xwb
Txoj kev hlub zoo tag npaum li no xav kom yog wb ob leeg li
Txhob muaj ib yam dabtsi los txiav txoj kev hlub ntawm wb
Lub kua muag iab thiaj li tsis si

Xav kom txoj kev hlub ntawm koj thiab kuv yog qhov tseeb txhob yog cuav
Koj pw nruj nraim hauv lub xub ntiag tiag tsis yog ib zaj dab neeg hauv npau suav
Nrog koj ua ke hauv tus npau suav saib lub hli nra khiav yeev
Me nploojsiab puas yog txheej thaum ub koj yog kuv me nplooj plawv uas tau hlub tsis tau yuav
Tiam no thiaj li tau rov los sib ntsib rov tuaj sib seev
Ntuj teb tag hmo los thiaj tseem tuaj sib ntsib hauv tus me npau suav

Yog muaj tseeb uas koj yog tus me neeg kuv tshua
Txawm yuav hla yim cuaj lub roob tsua
Los kuv yeej kam nrog koj hla kom txhij kom ntxawm
Seb tiam no wb puas yuav nqa tau daim ntawv los ua txij ua nkawm
Kom tau hlub koj tag tiam no
Yuav puag koj kom txaus nkaus rau txoj kev nco

Vim yav tag los wb tsis tau nyob ua ke lub me neej laus
Wb txoj kev hlub zoo luaj twg los thiaj tsis xaus
Wb ob tug ntsuj plig thiaj niaj hnub sib nrhiav khuj khuav
Tsis hais saum yaj ceeb los yog hauv npau suav
Thov kom lub ntuj muab wb txoj kab lw hlub
Kom tiam no wb tau los ua txij ua nkawm ua ib khub mog Mi~Nraug Daisiab

[cwjmemdub]

Mi~Nraug Daisiab

Tus mi neeg kuv hlub tshua
Hauv txoj kev hlub niaj hmo pom hauv tus npau suav yog koj thiab kuv ua ib ke
Tham lus luag ntxhwb ntxhi saib lub hli tsis paub dhuav li
Yog thaum twg lub hli ploj yuav tau nrug lub siab mob dua rhe
Yam nkaus li hauv lub ntiaj teb no yuav tsis muaj tus duab tshav ci

Xav kom lub ntiaj teb no yog wb ob leeg lub xwb
Txoj kev hlub zoo tag npaum li no xav kom yog wb ob leeg li
Txhob muaj ib yam dabtsi los txiav txoj kev hlub ntawm wb
Lub kua muag iab thiaj li tsis si

Xav kom txoj kev hlub ntawm koj thiab kuv yog qhov tseeb txhob yog cuav
Koj pw nruj nraim hauv lub xub ntiag tiag tsis yog ib zaj dab neeg hauv npau suav
Nrog koj ua ke hauv tus npau suav saib lub hli nra khiav yeev
Me nploojsiab puas yog txheej thaum ub koj yog kuv me nplooj plawv uas tau hlub tsis tau yuav
Tiam no thiaj li tau rov los sib ntsib rov tuaj sib seev
Ntuj teb tag hmo los thiaj tseem tuaj sib ntsib hauv tus me npau suav

Yog muaj tseeb uas koj yog tus me neeg kuv tshua
Txawm yuav hla yim cuaj lub roob tsua
Los kuv yeej kam nrog koj hla kom txhij kom ntxawm
Seb tiam no wb puas yuav nqa tau daim ntawv los ua txij ua nkawm
Kom tau hlub koj tag tiam no
Yuav puag koj kom txaus nkaus rau txoj kev nco

Vim yav tag los wb tsis tau nyob ua ke lub me neej laus
Wb txoj kev hlub zoo luaj twg los thiaj tsis xaus
Wb ob tug ntsuj plig thiaj niaj hnub sib nrhiav khuj khuav
Tsis hais saum yaj ceeb los yog hauv npau suav
Thov kom lub ntuj muab wb txoj kab lw hlub
Kom tiam no wb tau los ua txij ua nkawm ua ib khub mog Mi~Nraug Daisiab

Mi Nkaujdaisiab


Cia kom lub nriajteb no muaj neeg coob coob
Wb yuav sib hlub rau txhua leej txhua tus pom
Yog leej twg saib ntshe nws siab yuav yoob
Noj mov ces ntshe nplaig twb raug tom

Wb txoj kev hlub hauv tus npau suav
Yeej nyob nrog nraim lub hli nra
Tsim lawm los kuv lub plawv tsawm tuav
Zoo li tsawm hnov koj ua ua pa

Tus me neeg kuv nco tshaj lwm yam
Tiam tag los ntshe wb txoj kev sib hlub
Tau raug luag lwm tus muab ua plam
Es ntshe wb tau muab luag khaws ntxub

Tiam no Ntuj thiaj muab wb rau txim
Cia wb sib nrhiav tau tabsis tsis pub wb sib cuag
Kom hnub tug wb txoj kev chim
Nyob nraim hauv wb ob lub siab tuag

Ntuj mam chiv kom wb txoj kev hlub muaj tseeb
Muab daim ntawv txivnkawm rau wb sau
Txawm tias tiam no yuav tau nrog koj nyob li ib nyuag feeb
Los kuv lub siab yuav kaj cig lam lug li ib teg tsau

Kuv mam coj koj mus nce roob nce tsua
Mus ntsug muag ntsia lub nriajteb
Tsim wb tej chaw sib hlub kom mus nyob txhua
Muab txoj kev zoo siab coj mus tseb

Ua ib zaj dabneeg rau nriajteb nyeem
Tias wb yog nkauj Iab thiab nraug Oo rov los thawj dua
Kom lwm tiam cov neeg seem
Tau koob hmoov muaj tus hlub los nrog sib yua

[cwjmemdub]

Mloog nkauj os Mi Nkauj daisiab.

http://www.youtube.com/watch?v=kybeq2dWBf8

[cwjmemdub]

Mi Nkauj Daisiab


Ntev ntev tsis pom nws tuaj
Cas nws yuav busy ua luaj
Txhob khwv khwv
tsam nws me tes me taw tawm hlwv
Me Nraug Daisiab hlub hlub nws
Tiamsis ho nyob tsis ze kom tau plhws
Yog nws nyob nrog Nraug Daisiab
Ntshe twb tsis pub kom tshav ziab
Thaum nag los yuav ntub
Twb yuav muab tsev kaus coj los rub
Ua chaw rau nws nkaum nag nkaum tshav
Yuav muab phuam so kom nws txhob paug plua plav
Kuv tus me neeg siab zoo
Thaum tsis hnov nws tuaj nroo
Ua rau kuv lub siab nyob tsis tus
Xav kom muaj tis ya plaws tuaj mus
Xyuas seb me Nkauj Daisiab puas noj qab nyob zoo
Yog tias hnov nws moo
Nraug Daisiab thiaj yuav nyob kaj
Tos nws tuaj hais nws tej me lus piam thaj
Deev Nraug daisiab lub siab
Seb puas yuav nyob kiab os me Nkauj Daisiab

[Nkaujntxheedej]

Kuv Mi~Nraug Daisiab

Txawm khwv khwv tsis tau so
Los txhua hmo pom koj zem zuag
Kuv tau puag nyob hauv nruab dab ntub
Tau sib hlub nyob rau hmo hli ci
Koj luag ntxhi khawm kuv duav
Nyob tsis dhuav txawm yog ib vuag
Twb zoo cuag li koj nyob ntawm ib sab
Tuav kuv npab cia kuv hnia koj tus ntxhiab
Lawm os mi-nploojsiab tus kuv nco
Koj txoj kev hlub nyob rawv
Hauv nruab plawv txhawb kuv lub zog
Kom muaj zog mus nrog luag khwv
Tes tawm hlwv los yeej tsis hnov mob
Muaj koj nyob hauv kuv nruab siab
Txawm tshav ziab los yeej tsis hnov kub
Nag los ntub los yeej tsis hnov no
Tsuav txhua hmo kuv tau ntsib koj
Hnov koj tej lus qab zib piam thaj
Ces kuv lub siab twb kaj lawm mog mi~NRAUG DAISIAB

Mi Nkauj Daisiab


Ntev ntev tsis pom nws tuaj
Cas nws yuav busy ua luaj
Txhob khwv khwv
tsam nws me tes me taw tawm hlwv
Me Nraug Daisiab hlub hlub nws
Tiamsis ho nyob tsis ze kom tau plhws
Yog nws nyob nrog Nraug Daisiab
Ntshe twb tsis pub kom tshav ziab
Thaum nag los yuav ntub
Twb yuav muab tsev kaus coj los rub
Ua chaw rau nws nkaum nag nkaum tshav
Yuav muab phuam so kom nws txhob paug plua plav
Kuv tus me neeg siab zoo
Thaum tsis hnov nws tuaj nroo
Ua rau kuv lub siab nyob tsis tus
Xav kom muaj tis ya plaws tuaj mus
Xyuas seb me Nkauj Daisiab puas noj qab nyob zoo
Yog tias hnov nws moo
Nraug Daisiab thiaj yuav nyob kaj
Tos nws tuaj hais nws tej me lus piam thaj
Deev Nraug daisiab lub siab
Seb puas yuav nyob kiab os me Nkauj Daisiab

[cwjmemdub]

Kuv Mi~Nraug Daisiab

Txawm khwv khwv tsis tau so
Los txhua hmo pom koj zem zuag
Kuv tau puag nyob hauv nruab dab ntub
Tau sib hlub nyob rau hmo hli ci
Koj luag ntxhi khawm kuv duav
Nyob tsis dhuav txawm yog ib vuag
Twb zoo cuag li koj nyob ntawm ib sab
Tuav kuv npab cia kuv hnia koj tus ntxhiab
Lawm os mi-nploojsiab tus kuv nco
Koj txoj kev hlub nyob rawv
Hauv nruab plawv txhawb kuv lub zog
Kom muaj zog mus nrog luag khwv
Tes tawm hlwv los yeej tsis hnov mob
Muaj koj nyob hauv kuv nruab siab
Txawm tshav ziab los yeej tsis hnov kub
Nag los ntub los yeej tsis hnov no
Tsuav txhua hmo kuv tau ntsib koj
Hnov koj tej lus qab zib piam thaj
Ces kuv lub siab twb kaj lawm mog mi~NRAUG DAISIAB

Mi Nkauj Daisiab



Txhua lub sijhawm
Kuv yeej nyob nrog raim
Nrog pab cawm
Muab koj txoj sia ntaim

Kom ruaj
Thiab du dais
Thiaj zoo luaj
Thiab zoo chais

Wb txoj kev hlub
Thiab kev sib nco
Kom tej vijsub
Vijsw raug tso

Mus rau dej tshoob
Rau hluav taws kub
Thiaj khwv tau qoob
Ua lub zog sib hlub

Saum lub hli
Ib txwm muaj kuv
Thiab muaj koj nyob ti
Rau wb ua chaw sib thuv

[Nkaujntxheedej]

Mi-Nraug Daisiab

Lub neej no
Yog muaj koj
Nrog kuv nyob txhua hmo
Wb txoj kev hlub yeej yuav loj

Thiab yuav ruaj khov
Cuag li zeb khov li tsua
Yuav muaj dabtsi txov
Los yeej txiav tsis tau wb txoj kev sib tshua

Txawm yuav muaj vij sub
Vij sw raug rau wb
Yog wb ob lub siab koom ua ib lub
Yeej tsis muaj ib yam dabtsi uas wb yuav swb

Lub hli yog wb qhov chaw sib cuag
Yog hmo twg wb sib nco
Wb mam xa wb ob tug ntsuj tuaj sib puag
Kuv mam pw rau koj me nqaws tsho os kuv Mi Nraug Daisiab

Mi Nkauj Daisiab



Txhua lub sijhawm
Kuv yeej nyob nrog raim
Nrog pab cawm
Muab koj txoj sia ntaim

Kom ruaj
Thiab du dais
Thiaj zoo luaj
Thiab zoo chais

Wb txoj kev hlub
Thiab kev sib nco
Kom tej vijsub
Vijsw raug tso

Mus rau dej tshoob
Rau hluav taws kub
Thiaj khwv tau qoob
Ua lub zog sib hlub

Saum lub hli
Ib txwm muaj kuv
Thiab muaj koj nyob ti
Rau wb ua chaw sib thuv

[cwjmemdub]

Mi-Nraug Daisiab

Lub neej no
Yog muaj koj
Nrog kuv nyob txhua hmo
Wb txoj kev hlub yeej yuav loj

Thiab yuav ruaj khov
Cuag li zeb khov li tsua
Yuav muaj dabtsi txov
Los yeej txiav tsis tau wb txoj kev sib tshua

Txawm yuav muaj vij sub
Vij sw raug rau wb
Yog wb ob lub siab koom ua ib lub
Yeej tsis muaj ib yam dabtsi uas wb yuav swb

Lub hli yog wb qhov chaw sib cuag
Yog hmo twg wb sib nco
Wb mam xa wb ob tug ntsuj tuaj sib puag
Kuv mam pw rau koj me nqaws tsho os kuv Mi Nraug Daisiab

Mi Nkauj Daisiab


Wb txoj kev hlub twb loj npaum no los
Tsawm zoo li nyuam qhuav pib xwb
Wb niaj hnub tuaj sib tos
Kom wb ob lub plawv tau sib twb

Nyob ntev mus
Ntshe wb txoj kev hlub yuav ti saum ntuj
Tsis muaj chaw rau lwm tus
Tuaj xyuas chaw sib hlub thiab tuaj tsuj

Cia kom wb txoj kev hlub
Loj mus thoob nriajteb
Kom tiam no tsis pub
Thiab tsis muaj leej twg plawv tawg pleb

Nriajteb neeg
Ntsia wb sib hlub ua chaw kawm
Vim wb txoj kev sib ntseeg
Txhua tus nco tau tias yog txoj hmoov sawm

Yuav tau sib hlub
Kom kawg lub neej
Ua neej nyob dabntub
Xwb los tsis txhob xyeej

Txoj kev hlub
Thiaj yuav tsis lig
sib pab rub
Kom tau nyob ua ib yig

[Nkaujntxheedej]

Mi Nraug Daisiab

Txoj kev hlub loj luaj no
Txawm tias nyob hauv nruab dab ntub
Los tsuav txhua hmo
Muaj koj ua kuv tus hlub

Zoo tshaj li ua lub neej nyob ntiaj teb
Es tsis muaj koj
Ntshe lub plawv yuav xeb
Lub siab yuav tawg tsheej npoj

Wb txoj kev hlub nyob hauv npau suav
Thiaj hlub tsis muaj hnub kawg
Hlub tsis muaj hnub dhuav
Ntev ntev los thiaj tseem tshiab tshiab li lub paj yawm qhuav tawg

Txoj kev hlub thiab lub neej
Muaj nrog koj saum huab cua
Kuv yeej tsis xyeej
Txawm yuav yog ib vuag dua

Los kuv yeej txaus siab
Muab kuv txoj sia
Thiab nplooj siab
Cog rau koj ib leeg xwb tiag Mi Nraug Daisiab

Mi Nkauj Daisiab


Wb txoj kev hlub twb loj npaum no los
Tsawm zoo li nyuam qhuav pib xwb
Wb niaj hnub tuaj sib tos
Kom wb ob lub plawv tau sib twb

Nyob ntev mus
Ntshe wb txoj kev hlub yuav ti saum ntuj
Tsis muaj chaw rau lwm tus
Tuaj xyuas chaw sib hlub thiab tuaj tsuj

Cia kom wb txoj kev hlub
Loj mus thoob nriajteb
Kom tiam no tsis pub
Thiab tsis muaj leej twg plawv tawg pleb

Nriajteb neeg
Ntsia wb sib hlub ua chaw kawm
Vim wb txoj kev sib ntseeg
Txhua tus nco tau tias yog txoj hmoov sawm

Yuav tau sib hlub
Kom kawg lub neej
Ua neej nyob dabntub
Xwb los tsis txhob xyeej

Txoj kev hlub
Thiaj yuav tsis lig
sib pab rub
Kom tau nyob ua ib yig

[cwjmemdub]

Mi Nraug Daisiab

Txoj kev hlub loj luaj no
Txawm tias nyob hauv nruab dab ntub
Los tsuav txhua hmo
Muaj koj ua kuv tus hlub

Zoo tshaj li ua lub neej nyob ntiaj teb
Es tsis muaj koj
Ntshe lub plawv yuav xeb
Lub siab yuav tawg tsheej npoj

Wb txoj kev hlub nyob hauv npau suav
Thiaj hlub tsis muaj hnub kawg
Hlub tsis muaj hnub dhuav
Ntev ntev los thiaj tseem tshiab tshiab li lub paj yawm qhuav tawg

Txoj kev hlub thiab lub neej
Muaj nrog koj saum huab cua
Kuv yeej tsis xyeej
Txawm yuav yog ib vuag dua

Los kuv yeej txaus siab
Muab kuv txoj sia
Thiab nplooj siab
Cog rau koj ib leeg xwb tiag Mi Nraug Daisiab

Mi Nkauj Daisiab


Nco nco koj los
Lub sijhawm tsis muaj
Ntshe koj twb laj nyob tos
Txog hnub kuv rov tuaj

Thaum nco heev
Ces mloog kua muag poob xwb
Thiab muab seev
Ua chaw rau lub plawv khwb

Sijhawm sib ncaim
Siab tsawm nco ntsoov
Txog koj daim
Nplooj siab tsis hloov

Neej saum huab cua
Puas muaj hnub yuav rhais rau qhov tiag
Txoj kev sib tshua
Ua lub siab quaj thiaj ntsiag

Wb tus duab sib hlub
Saum lub hli
Tsawm niaj hnub rub
Wb tuaj sib ntxhi

Thiaj nco koj
Tsis muaj hnub xaus
Kev hlub loj
Thaiv tau nag thiab snow

Kom lub siab sov
Cuag nyob koj xubntiag
Koj yog lub pov
Kuv hlub tiag tiag

[Nkaujntxheedej]

Mi Nraug Daisiab

Lub sijhawm dhau mus
Koj tsis tau rov tuaj
Kuv mam ua raws wb cov lus
Yuav tos kom txog hnub koj rov tuaj

Ntuj no twb rov los txog
Koj puas nco kuv
Li kuv nco koj
Xav ntsoov txog koj tsis ploj

Kev hlub saum huabcua
Yuav hlub koj xwb
Tus mi neeg kuv tshua
Tsis pub koj mob siab puas hlwb

Nco ntsoov tias lub hli
Yog wb qhov chaw sib cuag
Tuaj sib ntxhi
Thiab tuaj sib puag

Txhua hmo
Thiab txhua hnub
Daws wb txoj kev sib nco
Npliag wb ob lub siab sib tshua thaum wb sib nrug deb os tus hlub

Mi Nkauj Daisiab


Nco nco koj los
Lub sijhawm tsis muaj
Ntshe koj twb laj nyob tos
Txog hnub kuv rov tuaj

Thaum nco heev
Ces mloog kua muag poob xwb
Thiab muab seev
Ua chaw rau lub plawv khwb

Sijhawm sib ncaim
Siab tsawm nco ntsoov
Txog koj daim
Nplooj siab tsis hloov

Neej saum huab cua
Puas muaj hnub yuav rhais rau qhov tiag
Txoj kev sib tshua
Ua lub siab quaj thiaj ntsiag

Wb tus duab sib hlub
Saum lub hli
Tsawm niaj hnub rub
Wb tuaj sib ntxhi

Thiaj nco koj
Tsis muaj hnub xaus
Kev hlub loj
Thaiv tau nag thiab snow

Kom lub siab sov
Cuag nyob koj xubntiag
Koj yog lub pov
Kuv hlub tiag tiag

[cwjmemdub]

Mi Nkauj Daisiab


Happy Thanksgiving rau koj os.
Kuv txoj kev hlub yuav nyob nrog nraim koj txhua lub sijhawm.
Thov kom koj noj qab nyob zoo.
Saum lub hli yog wb thaj chaw sib hlub.
Kuv nco koj.

[cwjmemdub]

Merry Christmas n Happy New Year rau koj os Mi Nkauj Daisiab

[cwjmemdub]

Mi Nkauj Daisiab



Ntev ntev tsis pom koj tuaj
Xyoo tshiab no koj puas nyob zoo
Nco nco koj nrog kev quaj
Kuv thiaj tuaj nroo

Valentine twb los yuav txog
Twb npaj tsis tau dabtsi rau koj
Xyuas txhua lub paj los tsis muaj lub yog
Lub yuav deev tau koj lub hoj

Zaum no cia hais lus nrog cua tuaj xwb
Lwm zaus kuv mam tuaj puag
Cia wb ob lub plawv los sib twb
Cia wb ob lub siab luag

Kuv nco koj heev os Mi Nkauj Daisiab
Mov tsis xav noj dej tsis xav haus
Nruab hnub los zoo li lub ntuj dub nciab
Tshuav sab koj nyob ntuj thiaj tsis tsaus

Thov Tswvntuj pab saib xyuas
Kom Mi Nkauj Daisiab noj qab nyob zoo
Lwm zaus mam rov tuaj sau txuas
Rau cov lus nug koj lub moo

[cwjmemdub]

A long winter
And a longer wait for you
It seems forever
But my love remains true

There's one more season to go
That is spring
When all the varieties of flowers show
And make my heart sings

I'll get through to Autumn
The signature of our love
Waiting for the day you'll come
To fly away with me like the love doves