Kuv me Nkauj Hnub

[cwjmemdub]

Kuv nrhiav koj
Tws rau ntug hiavtxwv
Txoj lw ploj
Ntxhiab los tsis chwv

Puas yog koj
Dhau dej ntuj lawm
Cas tsis coj
Kuv mus ua koj txijnkawm

Toj roob siab
Hauv hav tob
Ntuj cuab ntxiab
Hav toj pob

Txiav kuv kev
Hla tsis dhau
Thiaj nrhiav ntev
Ua xyoo ntau

Koj puas tseem tos
Tus neeg hlub tiag
Yuav nrhiav kom tau kev los
Nyob koj lub xubntiag

[cwjmemdub]

Thank you, SweetKiss, for dropping by and sharing your poem.  Nice one.



Wb ib txwm sib hlub
Tsis muaj sib ceg
Noj sib pub
Haus tsis sib tseg

Sib koom ib lub siab
Ua kev phem kev zoo
Nyiam ib tug ntxhiab
Koom ib lub moo

Sib cog lus
Yuav sib hlub kom nriajteb kawg
Mam li mus
Tuag ua ib pawg

Tseem hlub koj heev
Tseg tsis taus li
Npau suav pom dheev
Quaj qi muag nti

Thov lub ntuj
Rov rub wb ob daim ntawv
Muab wb ob lub tsho buag tsho ntsuj
Los sib tshooj kom wb niam wb txiv tau haus wb rooj cawv

[cwjmemdub]

Kuv tsis xav li cas li os SweetKiss.  Kav tsij sau es kuv thiaj tau nyeem thiab.



Tiam no
Yug los ua koj tus qhev hlub
Thiaj muab koj nco
Ua vij ua sub

Mob rau nruab nrog
Lwj rau nruab siab
Txo kuv lub zog
Nqos kua muag iab

Txawm twb paub tias
Tsis sib tau lawm
Siab yeej yuj lias
Rau koj txhua lub sijhawm

Koj puas tseem nco
Tus neeg qaug hlub
Txhua hnub txhua hmo
Koj nco thaum ub

Yog ntuj tsis vau
Yog teb tsis tawg
Yuav nrhiav kom tau
Tus ntxhiab kuv ncawg

[cwjmemdub]

Thanks SweetKiss.  Happy Valentine's Day to you and your family, too, and to all PHers.



Muaj ib hnub kuv nrhiav tau koj
Kuv yuav qhia koj txog kuv txoj kev nco
Noj yeeb noj tshuaj los tsis ploj
Da dej kub hluav taws los tseem no

Kuv ho mus dhia dej dhia tsua
Los tseem khub rawv rau lub plawv
Hnov nraim txoj kev tshua
Ua lub siab mob cuag hluav taws hlawv

Mam hnia koj kom ntev tshaj tus dej Nile
Puag koj kom ruaj tshaj hlau thiab tooj
Zaum tsaws plhws koj lub taub hau
Puag rawv koj tsis pub zaum rooj

Sijhawm no cia hais qhia lub ntuj
Seb lub plawv ncus puas ntaug
Vim ntshai tsam lub plawv nruj
Cia li tawg ua pua txhiab txaug

[cwjmemdub]

What had I done wrong
For God to take you away from me
Was I destined to be a sad song
One that was never given any sympathy

He can take away my freedom
He can make me the poorest of the poors
He can put millions of bumps
To block my door

He can put me in prison
Has me worked all my life as a slave
He can have my destiny written
Like a dirt road that's not paved

All I'm asking is for him to show the tiniest compassion
Let you in my life
So, I can have the only reason
To struggle to survive

[cwjmemdub]

Tiam no cia kuv ua tus ntoog mob
Theej txhoj wb tej kev phem tiam tag los
Ntshe yog lub ntuj los tsob
Tej qub nqi wb tshuav thaum ub muaj tshoob muaj kos

Kuv nco tias wb tsis tau txeeb leejtwg tug
Ntau tiam wb yeej yog txij yog nkawm
Puas yog muaj neeg lam cibnyeej kom wb sib nrug
Luag thov ntuj muab koj tshem tawm

Yam dabtsi yog ua tau kom lwm tias kuv tau koj
Kuv yuav ua kom txhij kom txhua
Twb tsis hais yuav kom kuv noj
Yeeb thiab tshuaj los yog cia kuv niaj hnub haus cua

Kuv yuav mus kom txog saum ntuj ceebtsheej
Tseev ko taw yuav nim mob ncus tus tag
Yuav mus plovmoj rau Tswvntuj kom meej
Tias kuv tej lus cog tseg tsis yog dag

Kuv txaus siab pw ko rau txoj kev tsaus
Kom tiam tshiab txhob muaj hmoov phem los tshuam
Wb txoj kev sib hlub lub hauv paus
Kom txog lub ntsis li lub ntuj tau cog lus thiab yuam

[cwjmemdub]

Thanks SweetKiss.



My heart's so cold
My cheeks are so warm
My thought tells me I'm seeing a ghost
Trying my best to stay calm

I can't move my feet
Nor raise my hands
It feels like I'm in a quick sand waist deep
Wiggling my way to stand

A symptom of falling in love?
Letting my heart falls for the first time
Pretending to cough
To divert your attention, so, I don't have to look at you eye to eye

Embarrassed you'd call on me
Ask for my name
I blush and try to flee
But my heart wants you to have it tamed

[cwjmemdub]

Txhob quaj mog
Tus neeg kuv hlub
Cia lwm tiam los txog
Kuv mam nyob ntawm koj ib sab tsis nrug ib hnub

Tiam no
Ntshe yuav mob siab mus ib txhis
Vim txoj kev nco
Ntawm wb tsis txawj phlis

Wb sib poob
Sib nrhiav tsis sib tau
Muaj hav muaj roob
Muaj hiavtxwv txiav wb kev sib sau

Tiamsis hauv kuv lub siab
Tsis muaj dabtsi txiav tau
Nyob ib txhiab
Hauv koj txoj kev hlub muaj kuv zaum tsaws tsau

[cwjmemdub]

Teem caij sib ntsib ntawm tsob ntoo tawg paj plawv
Mus txog tsis pom koj nyob qhovtwg
Pom koj sau tau ib daim ntawv
Koj niam koj txiv twb muab koj yuam yuav Hmoob li wb ntshai rwg

Zaum no ces wb plam txoj kev sib sau ua ib lub neej
Zaum kawg los twb tsis tau sib ntsib
Kuv cov kua muag teev cia los ntev thiaj li txeej
Nco nco koj lub nrobqaum kuv niaj hnub ib

Yuav ua cas ua neeg nyob yog tsis muaj koj
Ntshe mus txog twg los yuav tu nrho koj lub suab luag
Wb txoj kev sib hlub thaum yau txog thaum loj
Tsis xav tias wb daim ntawv txijnkawm yuav ntuag

Zaum no ces tag kev cia siab lawm ntawm kev ua neej
Ntsia txhua yam nyob nriajteb zoo li tsis muaj sia
Mus ua haujlwm los ua tsis tsheej
Mob lub siab quaj ncuj ncia

Tsob ntoo tawg paj plawv
Cas koj tsis rub kom tau nws tuaj kuv puag ua zaum kawg
Puas yog koj cov paj yog paj qaug cawv
Thiaj ua rau kuv lub plawv tawg

[cwjmemdub]

Wb zoo li ob tug noog sib hlub
Tsis nyiam nrog npoj
Wb thiaj sib xaiv ua ib khub
Sib koom nrhiav noj

Koj nyiam tuav kuv tes
Wb mus kev ua ib ntxaig
Sib tawb sib zes
Li ob niam txiv noog lob laig

Neeg txawm coob npaum cas
Wb tsis quav ntsej pom
Wb tsawm muab kob dub los zas
Wb ob lub iav tsom

Kom lub nriaj teb no
Zoo li muaj wb ob leeg
Wb txoj kev nco
Tsis faib rau lwm tus neeg

Tsis ntshaw nyiaj ntshaw kub
Tsis ntshaw noj ntshaw haus
Wb sib sib hlub
Li no thiaj yog lub neej zoo txaus

[cwjmemdub]

Lig ua luaj no
Cas tsis pom koj los
Puas yog koj tsis nco
Wb tej lus cog yuav sib tos

Kuv twb nyob ntawm kev khaublig sibtshuam
Los tau ntau niaj ntev xyoo
Saib ntsoov txhua txhua tus muam
Hauv kotaw ti saum taubhau zoo zoo

Tsis muaj ib tug
Yuav zoo li koj
Txhua tus los kuv twb nug
Lawv tias koj tseem yog luag poj

Yuav cia kuv tos txog hnub twg
Koj mam li los
Cua loj loj nrov vig vwg
Kuv nyob tsis muaj zos

Nag hlob hlob
No no tiv tsis taus
Kuv lub plawv mob mob
Nco nco koj cia li laus

Puas yog koj lam dag
Kom kuv txhob tu siab
Tsis tos koj ntxiv lawm mog me niam nkauj zag
Zaum no yuav so zog kuv lub kua muag iab

[cwjmemdub]

Tuaj sau koj cov rau kuv nyeem os SweetKiss.



Kuv lub plawv ntsoog tag
Tsis tshuav dabtsi lawm
Vim kuv raug koj dag
Ntsub lub suab quaj tsis tawm

Kuv ib txwm swb koj
Ua txhua yam li koj siab xav
Saib koj txoj kev hlub loj
Ib lo lus kuv thiaj tsis cav

Hnub no
Koj nrhiav tau tus koj nyiam
Muab kuv tso
Ua ntsuag nrog lub neej piam

Los kuv tsawm khaws rawv koj rau nruab siab
Yuav muab nco kom txog hnub kawg
Txawm kuv yuav muaj dua tus tshiab
Yuav cim ntsoov tseg tias muaj koj kuv thiaj txawj hlub cov neeg plawv tawg

[cwjmemdub]

Muab txoj nkauj nov rau koj os SweetKiss.


https://youtu.be/HSV_AI-kvvE

[cwjmemdub]

WOW Cejmemdub, you are too kind - I dont derseve this song. But ua tsaug os. I wish to meet you and your beautiful wife someday. Take care!

Koj yog 1 tug neeg tsis totob thiab tsis paub kev hlub li os SweetKiss.
You're not a very romantic person at all.

[cwjmemdub]

Tiam no yug los
Muaj kab noj siab
Plawv muaj cos
Leeg hlav sib khiab

Yog ib tug mob
Tsis muaj neeg kho tau
Tsuas yog hlau thiab tuamtxhob
Los yog koj kam muab koj lub plawv ncau

Hlav ib ceg
Cia nrog kuv nyob
Kom lub neej ntseg
Thiaj yuav kho tau tus mob

Koj txawm yuav yog leej twg tus lawm los
Yog koj hnov kuv lub suab hu
Mus nyob ntawm thaj chaw wb niaj zaus sib teem tseg tos
Kuv yuav nqa kuv lub plawv lwj tuaj koj tu

Yog tias koj tsis kam
Ntshe kawg kuv tuag
Txhob rov ua kom wb sib plam
Tsam kuv tsis dim txoj kev ua neeg hlub ntsuag