Kuv me Nkauj Hnub

[cwjmemdub]

When I heard that you came to see me with tear in your eyes
I dropped down to my knees and cried
Tried to edure the pain of a lifetime
That was going to make me blind

I slowly picked myself up
And felt for my heart
Wondering if it was still there
I felt nothing but air

All that I could see was stars
Wondering why the day was so dark
My shirt was soaking wet
Then I realized my tear was spraying in a jet

I heard a sound of a mountain falling
So loud that my ears start ringing
I was crying at the top of my lung
Cursing God for making my life stunk

Never loved anyone so much
And will never again
You will be the last
If I don't go insane

[cwjmemdub]

Koj puas tsawm yog tus kuv niaj hmo puag
So lub kua muag thaum wb sib nco
Lub siab no muaj koj los vov
Khooj kom sov Plawv txhob xwb pleb

Nkaujkevdeb nco koj luaj no
Wb tej txo ntawm kev sib hlub
Puas tsawm khub rau koj nruab siab
Kuv tus ntxhiab puas tsawm hnov tsw

Cua tuaj ib nthw tshuab paj hmab paj ntoos
Ua las voos puv roob puv hav
Thiaj quaj ncav seb puas cuag koj
Yuav los coj koj nrog kuv nyob

Thov koj txhob hnovqab Nraugntsuaghlu b
Tus koj pub Kev hlub tas lawm
Txhob tshem tawm ntawm koj xubntiag
Tsam ib pliag kuv lub plawv tawg

Tshuaj tsawg tsawg hom yuav kho tau
Tsuas muaj rau hauv koj xib teg
Yog koj veg ces kuv kawg tuag
Ncav tsis cuag caum tsis tau kuv tus ntsuj

[cwjmemdub]

Kuv nyob ib leeg theej wb lub kua muag
Nyob ua ntsuag them koj nqi hlub
Seb puas rub tau txoj kev nco
Rov los tso wb lub xubntiag
Hlub ib pliag cia li sib ncaim
Nco kuv daim me nplooj siab sov
Tau muab vov los tsis tau khaws
Hmoov tsis raws ntawv tsis tiam
Vim tus ciam neeg sib txawv
Thiaj tsis lawv taug koj qab
Muab koj npab tso rau lwm tus
Siab puas tsus ntshai koj nyob ib leeg
Tsis muaj neeg koj yuav hlub taus
Muab sia xaus kuv yuav tu siab ib sim
Thiab yuav chim vim Yawm Saub
Muab daim ntaub kom wb sib hlub
Ho tsis pub wb tau sib yuav
Lub neej tshuav txoj sia lawm xwb
Ua neeg npwb hnovqab txhua yam
Txoj kev vam tias yuav tau koj
Los nrog noj nyob ua ib ke
Txawm muab hle los tsawm khaws rawv
Rau nruab plawv hlub koj ib leeg

[cwjmemdub]

Nyob Zoo Kuv Me Nkauj Hnub.

Koj lub pebcaug tsis muaj kuv zoo li cas xwb
Puas nco txog thaum wb sib puag rwb rawv mus cug dej
Koj ua kuv ntej ua kuv lub teeb taws
Ci tshaws mus rau txhua txoj hau kev
Hmo tsis nco ntev hnub tsis nco ntau
cov dej muaj dok champa tsau tsw qab ntxiag
Koj muab los ywg kiag rau kuv xubqwb
Kuv tub los twb rau koj lub hauv pliaj
Foom lus kub lus nyiaj kom wb sib tau
Hnub wb sib sau yuav ua hnub tshwj xeeb tshaj plaws
Yuav muab khaws ua hnub sib hlub mus tag ib sim
Wb thov haujsam muab cim kom tsis muaj hnub ploj
Kuv cog lus hlub koj ib leeg tsis hloov siab
Koj cog lus hlub kuv ib yam thiab kom txog saum ntuj
Haujsam thiaj muab wb ob tug ntsuj rub los sib puag
Kom ob lub cev niaj hnub sib cuag tsis txhob sib ncaim
Cas tseem hloov tsis tau daim ntawv Yawm saub muab wb sib cais
Ib leeg thiaj li tau rhais mus rau ib rooj teb
Txoj kev deb muaj roob muaj hav thaiv
Tsis pub wb xaiv koom ib txoj kev taug
Nplooj siab tau paug ua kev lwj kev nco
Thiaj tuaj seev rau thaj chaw no saib koj puas tuaj pom
Yuav seev seev kom txog hnub wb sib ntsib
Saib puas tau pib txoj kev sib hlub dua
Kom txoj kev tshua tau raws lub siab xav
Saib tus tav puas yuav rov ntxiv tau lub qhov txhab
Uas muaj tus kab niaj hnub noj siab noj ntsws

[cwjmemdub]

Kuv me Nkauj Hnub

Vim hmoov tsis sib raug
Ntawv tsis sib xws
Txoj kev wb koom taug
Thiaj tau los tws

Vim wb nqa tau ntawv nkauj ntawv nraug
Tiamsis tsis tau ntawv txij ntawv nkawm
Txoj kev hlub thiaj los nyob rau Ntuj Tsaug
Tsis muaj caij hnub yuav tawm

Nag tsaus nti
Ntuj tsaus ntais
Txoj hlua plawv sib khi
Tau raug hlais

Kuv vuag koj tes
Koj vuag kuv npab
Sijhawm tsis kam nres
Nyias thiaj ncaim nyias mus ib sab

Tiam no cia wb sib nco
Tuaj rau nruab siab
Lwm tiam mam thov Tswv Ntuj kho
Kom tau sib hlub mus ib txhiab

Lub plawv niaj hnub mob
Thiaj yuav zoo
Mam muab kiag los cob
Ua koj tug mus ib txhiab xyoo

[cwjmemdub]

A thousand years
A thousand lifetimes
My love'll always be sincere
Every day'll be a valentine

I'll believe
And I'll worship
Promise to keep
Our relationship

Be true to you
Love no other
Walk in the same shoe
Forever

You're my star
You're my guiding light
I know that the distance between us is far
But I still want you to be my bride

A happy family
Two happy hearts
Til eternity
Breaks us apart

[cwjmemdub]

Qhia Kuv Seb Koj Nyob Qhov twg

Lub hli quaj nrhiav lub hnub txhua hmo
Vim koj tej lus ntxhi ua rau kuv nco
Lub hli seev txog lub hnub txhua hnub
Vim dabtsi los cais wb txoj kev hlub

Kuv nco koj npaum ntses nco dej
Tej hauv toj kuv mus tshawb thoob yog muaj teb nplej
Teb pobkws los yeej mus maub txhua
Tsis muaj tus xws li koj txoj kev tshua

Tshuav nej thaj teb yeeb thiaj tsis tau mus txog
Vim tsis muaj ntseeb muaj muv pab kuv lub zog
Lo lus qabzib yuav ua dej tshuaj yug lub siab
Thaum kuv quaj nco koj tus me ntxhiab

cia cua tshuab koj lub suab rau kuv hnov
Tso tus nquab sib hlub xa tsab xov
Kom kuv paub koj nyob qhov twg
Kuv mam saub kom txia mus ua lub lwg

Nrog ntub koj thaum tshav ntuj kub kub
Pab mem toj cawm lub ntuj dub
Kom koj lub siab nrog kev tsaus ntuj
Nyob ib txhiab muaj kuv tus hneev taw tsuj

[cwjmemdub]

Nkaujkevdeb,

nag hmo kuv ua npau suav pom koj
Kuv quaj quaj ib ce caus yaum tag
Nco txog thaum lub hauv toj
Wb mus koom es koj rub kuv mus rau ib cag

Koj khooj twj ywm rau hauv kuv xubntiag
Khawm kuv ruaj ruaj
Kuv thiaj nug seb yog vim li cas tiag
Koj thiaj li quaj

Koj hais tias wb sib ncaim tau ob peb hnub
Koj nco kuv dhau tsis paub ua neeg
Thaum rov sib ntsib es rov sib hlub
Koj thiaj ntseeg tias koj tsuas hlub kuv ib leeg

Wb sib puag ib hmos
Twb tsis nrog lawv koom txoos
Thaum wb tsim los
Tsuas hnov neeg tham luj loos

Nyiam twb mus nyias tsev yuav tag
Nco tsis tau xyov lawv ua muaj dabtsi
Los lub siab twb zoo tsis nco tias puas yog los nag
Ntub wb tag thaum wb sib khawm ti ti

Los xyov yog dej sib hlub vim tsw txawv txawv
Wb cia li ncaj qha mus da dej thiab ntxuav muag
Zoo qhov tsis tau muaj neeg sawv
Thiaj tsis muaj neeg paub tias wb sib puag

[cwjmemdub]

http://www.youtube.com/watch?v=ZOqXEh2-6D8

[cwjmemdub]

Kuv me Nkauj Hnub



Ntuj quaj quaj kua muag si laws
Kuv mus tsis taus ib taws rau yav tom ntej
Vim wb tej kev sib nco
Tsawm nyob txhua nrho hauv kuv lub siab
Raug tshav ziab los nco koj ib zaug
Nco txhua txoj kev wb taug koj kwv rawv kaus
Tuav rawv dej rau kuv haus tsis nco nqhis
Zoo li muaj tis mus qhov twg los tau
Nyob lub tsev nag xau tsis muaj dabtsi noj
Los hauv lub hoj twb nyob kaj lug
Ua neeg muaj tug tsis ntshaw kev hlub
Zaum no lub hnub cia li khiav nraim
Huab ua rooj paim kuv qhib tsis tau
Txoj kev sib sau ploj mus ib txhis
Tsuas hnov plawv nqhis koj txoj kev tshua
Zoo li yug dua tsis txawj mus kev
Zoo li tus qhev uas raug quab yuam
Siab thiaj li pluam siav thiaj yuav tu
Thiaj niaj hnub hu seb koj nyob qhov twg nas me Nkaujkevdeb

[cwjmemdub]

Memories of You



Memories of you just won't fade away
Even though I try not to obey
My heart's and my mind's deep feelings
Always come up short of pulling the strings

Perhaps our root of love is too deep
The only way to ease the pain is to keep
All the prints of love in side the heart
Even though we're so far apart

Missing you every day is still my desire
Dreaming of you every night increases the fire
That starts decades ago
There'll be no ends to it long after tomorrow

That's a promise I'll always keep
In side the heart's chamber no one can sweep
Protected by my blood of love
With the helps of angels above

[cwjmemdub]

Kuv me Nkauj Hnub and I were separated so suddenly.
She came to see me at the time of her departure but I wasn't home.
She left crying her heart out.
This is what my sister told me.
We couldn't find each other again after that.
I love her so much cause it was love at first sight and first love for both of us.
It could've been a perfect love had we not been separated.
It's a long story but this'll give you an idea why I can't ever forget her.
Thanks for stopping by and for the compliment.

[cwjmemdub]

Alright Bro... Dont forget to save some love for urself ... Things happen for a reason, nobody cant really control events in our Life... Or can we?!... But u gotta keep on loving urself for sure... N keep on moving on...

Thank you much lucky_ly.
I've moved on but it's really hard when there's no closure.

[cwjmemdub]

Nkauj Hnub


Kuv lub plawv
Lub siab lub ntsws
Kev hlub txhawv
Kev tshua ntws

Ywg tas kuv
Lub neej tiam no
Txoj sia luv
Ntshe yuav tau nco

Vim lub sijhawm
Yuav rov los cuag
Tas zuj zus lawm
Thiaj nyob nrog kua muag

Mam tos lwm tiam
Los ntshai tsam tsis muaj
Thiaj mob npaum riam
Thiab iab npaum tshuaj

Rau wb kev nco
Thiab kev hlub
Lub siab no no
Xav tau koj los qhub

[cwjmemdub]

Hmo no hnubqub nyob ze lub hli
Ntshe yog kev nco thiaj xav sib ti
Thaum pom tas kuv lub siab thiaj quaj
Xav nrog koj nyob puag koj ruaj ruaj

Hmo no lub hli ci ntsa thuav
Hnubqub caum lub hli quaj zawv zuav
Zoo li thaum kuv lub plawv hu hu koj
Kuv tus ntsuj twb tsis qab siab nrhiav noj

Yuav txog lub caij lub hli ploj tiag
Ntxias npaum cas los hnubqub thiaj tsis ntsiag
Vim lub siab twb ncaim tsis taus ib nas this
Yuav ua li cas sib tos mus tsheej lub hlis

Hnubqub zaum tsaws tsis mus qhov twg
Zov rawv seb puas pom lub hli nqa dej siab tuaj ywg
Thiaj yuav muaj sia ci mus rau nriajteb
Kom sov cov neeg kev hlub nyob deb