Tus me neeg kuv hlub nyob tiam no
Zoo li hnub no yog hnub July 4th
Yuav tuaj mus yo yuj koj
siab xav lisoj neeg coob li coob
Cas yuav nco qhoob koj ib leeg
Kuv tseeg tias koj yuav nco
txog thaum ntuj tag hmo
los snow no txias zai khoog nkaw
wb ob lub cev tuaj sib raws
hais lus tuj taws txog kev hlub
tsis ntaus hnub siab quaj dhi
hais lus ntxhis txhua tag kis
nyob tsis ntev twb txog caij
thaum hnub qaij rov sib ntsib
Kuv tos koj tuaj nrog siab sib ib
nyob ib ntsis twb kaj nthu lawm
mam sib khawm kua muag poob
siab ua quj qoob yuav sib ncaim
ib ces laim yuj lias tias yuav ua cas
hais tsis tau tas tej lus hlub
pua muaj hnub rov sib ntsib lawm
zaum no txawm yuav tau kev nco
lub siab no yuav kho mus txog xyoo twg
Wb kev phooj ywg zoo luaj no
koj pua nco lawm os tus kuv tshua
ib vuag dua tsis zoo li siab xav
ntuj teb no dav ua luaj
ntseem tsis pab kev hlub ruaj
yog muaj hnub rov hlub tau koj
kuv mam lo zov koj mus ib sim
tsis cia dim mus ib me ntsis
thov ntuj tig kev hlub rov los
yuav nyob tos kom tau hlub koj
mam ua koj noj mus tag tiam no
mas tus me neeg zoo ua kuv nco nco...