Ib hnub dhau rau ib hnub, ib hmos dhau mus zuj zus, lub caij thiab lub nyoog ploj mus lawm tiag tiag -- lam zoo li tus npau suav uas muaj ib vuag dua es ho txawj tsim rov los. Txij hnub no mus ces txawm koj lub ntuj yuav tshav thiab yuav tsaus npaum li cas los yuav tsis roos los txog kuv lawm. Kaj ntug tagkis ces koj tsuas yog koj, kuv tsuas yog kuv lawm xwb. Tiam neej no, yog txawj pib xwb, tsis txawj xaus, cas tsis thov kom yawm saub tshuam kab, thaiv kev cia es txhob tso wb los sib ntsib. Hnub no ces yuav muab lub siab rau txim kom kawg nkaus kev es yuav tsis tso lub siab dim yooj yim lawm os.