Wb nco ntsoov tias muaj lwm tiam,
Nco ntsoov tshiam kom lub ntuj tso,
Wb rov los ua neeg ntiaj teb,
Thov ntuj cheb txoj kev wb taug,
Tsis txhob laug wb txoj kev hlub,
Muab wb rub los pib lub neej,
Thov puav pheej ntawm lub ntuj tiag,
Txais wb cia rau koj nruab siab,
Pab wb thiab es nrog wb nco,
Vim tiam no ces twb lig dhau,
Tsis sib tau mas mob siab tshaj,
Txawm ntuj kaj, los nyob tsaus nti,
Ncauj luag ntxhi los siab dub txig,
Vim lig lig rau wb tiam no,
Wb mam nco kom txog lwm tiam,
Thov kem ciam ncig wb siab ntsws,
Hlub txij nws, tsis pub dhau ciam,
Yuav thov tiam kom ntawv sib txig,
Nws los li, thov hlub kuv xwb,
Vim wb swb kev hlub tiam no,
Thov kom nco ntsoov tso wb kev los sib hlub rau fab lwm tiam mog...