lub sij hawm thaum kuv tseem hluas
thaum tseem uas xav xav ua laib
ua haib haib hluas nkauj thiaj tham
kuv thiaj lam khaws tus yooj yim
coj los sim kom kuv paub tso
thaum tau noj ces tso tsis taus
txawm cov laus yuav cem yuav ntuas
kuv tsuas qhuas tias nws zoo tshaj
kuv tsis faj txog nws siab phem
kuv tsis cem thiab kuv tsis hais
txawm niam tais yuav txw npaum cas
kuv tsuas xav kom wb neej zoo
tau ntau xyoo nws kawm ntawv siab
nws pib ntiab kom kuv khiav tawm
vim nws txawj tiab nws ntse heev
nws lub neej tsis tag rau kuv
nws tsis khuv xim kuv dab tsi
hais txog txiv mam nrhiav tom qab
nrog tsheej pab poj nrauj ua ke
ua dev leg rau txhua lub nroog
tsuas mus noog luag tej txiv tham
muaj qee tsam nws yeej txaus siab
tsis them nyiaj los yeej tau ua
tsuav yog yuav luam yeeb rau haus
txawm tus laus los nws yeej kam
hos yuav tham me me txog kuv
hnub no mus kuv ua ib siab
nrhiav tus tshiab kav kuv lub neej
tus tsis xyeej txog kuv tej laus
tsis hais txog noj mcdonald
tus uas xyaum coj qhov zoo xwb
txawm phooj ywg yuav tso dag los
nws tsis nyos thiab nws tsis chim
nws tsis tsim kom kuv nyuaj siab
nws tsis ntiab kom kuv khiav tawm
nws tsuas hawm kuv li tus nom
vim kuv yog ib leeg txiv zoo
